Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമതേതര റിപ്പബ്ലിക് ​ആയ...

മതേതര റിപ്പബ്ലിക് ​ആയ ഇന്ത്യയെ രണ്ട് ദിനോസറുകള്‍ മാത്രമുള്ള ജുറാസിക്​ റിപ്പബ്ലിക്​ ആക്കരുത്​ -സിബൽ

text_fields
bookmark_border
മതേതര റിപ്പബ്ലിക് ​ആയ ഇന്ത്യയെ രണ്ട് ദിനോസറുകള്‍ മാത്രമുള്ള ജുറാസിക്​ റിപ്പബ്ലിക്​ ആക്കരുത്​ -സിബൽ
cancel

ന്യൂഡൽഹി: പൗരത്വ ഭേദഗതി ബിൽ രാജ്യത്തിൻെറ സാംസ്​കാരിക അടിത്തറയേയും സ്വഭാവത്തേയും ദുർബലപ്പെടുത്തുമെന്നും മതേതര റിപ്പബ്ലിക്​ ആയ ഇന്ത്യയെ രണ്ട് ദിനോസറുകള്‍ മാത്രമുള്ള ജുറാസിക്​ റിപ്പബ്ലിക്​ ആക്കരുതെന്നും​ മുതിർന്ന കോൺഗ്രസ്​ നേതാവ്​ കപിൽ സിബൽ.​ പൗരത്വ ഭേദഗതി ബില്ലിൻമേൽ രാജ്യസഭയിൽ നടന്ന ചർച്ചയിൽ സംസാരിക്കുകയായിരുന്നു അദ്ദേഹം. കോൺഗ്രസ്​ ഏക രാഷ്​ട്രത്തിലാണ്​ വിശ്വസിക്കുന്നത്​. എന്നാൽ ബി.ജെ.പി ആ സിദ്ധാന്തത്തിൽ വിശ്വസിക്കുന്നില്ലെന്നും അദ്ദേഹം പറഞ്ഞു.

‘‘ആദ്യം ഘര്‍വാപസി, പിന്നെ മുത്തലാഖ്, പിന്നെ ആര്‍ട്ടിക്കിള്‍ 370, ഇപ്പോള്‍ എന്‍.ആര്‍.സി, പൗരത്വ ഭേദഗതി ബില്‍ ഇതില്‍ നിന്നെല്ലാം എന്താണ് നിങ്ങളുടെ ഉദ്ദേശമെന്ന് വ്യക്തമാണ്. എന്താണ് ചെയ്യുന്നതെന്നതിനെക്കുറിച്ച് നിങ്ങള്‍ പോലും മനസ്സിലാക്കുന്നില്ല.’’ -കപില്‍ സിബല്‍ കുറ്റപ്പെടുത്തി.

ജനനം, രക്ഷിതാക്കളുടെ ജനനം, താമസം എന്നിവയാണ്​ പൗരത്വത്തിനുള്ള മാനദണ്ഡമായി പറയുന്നത്​. പൗരത്വം നൽകുന്നതിന്​ മതം ഒരു ഘടകമാക്കിയെടുക്കാൻ സാധിക്കില്ല. ഇരു രാഷ്​ട്ര സിദ്ധാന്തത്തിന്​ നിയമത്തിൻെറ നിറം നൽകുകയാണ്​ ഇൗ ബില്ലിലൂടെ ചെയ്യുന്നതെന്നും കപിൽ സിബൽ ആരോപിച്ചു. അനധികൃത കുടിയേറ്റക്കാർ എല്ലാവരും പീഡനം ഏറ്റുവാങ്ങിയവരാണെന്നതിന്​​ എന്താണ്​ ഉറപ്പെന്നും അദ്ദേഹം ചോദിച്ചു. മത ന്യൂനപക്ഷങ്ങൾ എന്ന നിലയിൽ പീഡനമേൽക്കേണ്ടി വന്ന വിഭാഗങ്ങൾക്കാണ്​ പൗരത്വം ഉറപ്പു വരുത്തുന്നതെന്ന്​ അമിത്​ ഷാ വ്യക്തമാക്കിയിരുന്നു.

ഇരു രാഷ്​ട്ര സിദ്ധാന്തം സവർക്കറായിരുന്നു വിഭാവനം ചെയ്​തത്​. അത്​ കോൺഗ്രസിൻെറ സിദ്ധാന്തമായിരുന്നില്ല. അമിത്​ ഷാ ഏത്​ ചരിത്ര പുസ്​തകമാണ്​ വായിച്ചതെന്ന് ​തനിക്കു മനസ്സിലാവുന്നില്ലെന്നും അദ്ദേഹം വ്യക്തമാക്കി. മതാടിസ്ഥാനത്തിൽ രാജ്യം വിഭജിക്കാൻ കോൺഗ്രസ്​ അനുവദിച്ചില്ലായിരുന്നെങ്കിൽ പൗരത്വ ഭേദഗതി ബിൽ ആവശ്യമായി വരില്ലായിരുന്നുവെന്ന അമിത്​ ഷായ​ുടെ പ്രസ്​താവനക്ക്​ മറുപടി പറയുകയായിരുന്നു സിബൽ.

Show Full Article
TAGS:cab citizenship amendment bill Jurassic republic kapil sibal india news malayalam news 
News Summary - Don't convert the secular republic of India into a Jurassic republickapil sibal -india news
Next Story