കോൺഗ്രസ് രണ്ടു തട്ടിൽ; വിശദീകരിച്ച് സോണിയ

ന്യൂ​ഡ​ൽ​ഹി: സി.​പി.​എം പാ​ർ​ട്ടി കോ​ൺ​ഗ്ര​സി​ന്റെ ഭാ​ഗ​മാ​യി ന​ട​ക്കു​ന്ന ദേ​ശീ​യ സെ​മി​നാ​റി​ൽ പ​​ങ്കെ​ടു​ക്കു​ന്ന​തി​ൽ​നി​ന്ന് ശ​ശി ത​രൂ​ർ, കെ.​വി. തോ​മ​സ് എ​ന്നി​വ​രെ വി​ല​ക്കി​യ വി​ഷ​യ​ത്തി​ൽ കോ​ൺ​ഗ്ര​സ് നേ​തൃ​നി​ര ര​ണ്ടു​ത​ട്ടി​ൽ. ​സൗ​ഹാ​ർ​ദ ക്ഷ​ണ​വും കോ​ൺ​ഗ്ര​സ് നി​ല​പാ​ടു​ക​ൾ വ്യ​ക്ത​മാ​ക്കു​ന്ന​തി​നു​ള്ള അ​വ​സ​ര​വു​മാ​യി കാ​ണേ​ണ്ട​തി​നു പ​ക​രം, തു​റ​ന്ന ച​ർ​ച്ച​യു​ടെ​യും സം​ഭാ​ഷ​ണ​ത്തി​ന്റെ​യും വാ​തി​ൽ കൊ​ട്ടി​യ​ട​ക്കു​ന്ന രീ​തി​യാ​യി ഇ​തെ​ന്ന ക​ടു​ത്ത വി​മ​ർ​ശ​ന​മാ​ണ് ഒ​രു വി​ഭാ​ഗം നേ​താ​ക്ക​ൾ ഉ​യ​ർ​ത്തു​ന്ന​ത്. അ​തേ​സ​മ​യം, സി​ൽ​വ​ർ ലൈ​ൻ അ​ട​ക്കം വി​ഷ​യ​ങ്ങ​ളി​ൽ സ​ർ​ക്കാ​ർ സ​മീ​പ​ന​ത്തെ​ച്ചൊ​ല്ലി കോ​ൺ​ഗ്ര​സും സി.​പി.​എ​മ്മും ഏ​റ്റു​മു​ട്ടു​ന്ന​തി​നി​ടെ ഇ​ത്ത​രം സൗ​ഹാ​ർ​ദം തെ​റ്റി​ദ്ധ​രി​പ്പി​ക്കു​ന്ന​തും അ​ണി​ക​ളെ ബോ​ധ്യ​പ്പെ​ടു​ത്താ​ൻ പ്ര​യാ​സം ഉ​ണ്ടാ​ക്കു​ന്ന​തു​മാ​ണെ​ന്ന കാ​ഴ്ച​പ്പാ​ടാ​ണ് മ​റു​വി​ഭാ​ഗ​ത്തി​ന്.

ദേ​ശീ​യ ​സെ​മി​നാ​റി​ൽ പോ​കു​ന്ന​തി​ൽ​നി​ന്ന് ത​രൂ​രി​​നെ​യും മ​റ്റും വി​ല​ക്കി​യ സാ​ഹ​ച​ര്യം എം.​പി​മാ​രു​മാ​യി കോ​ൺ​ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി ച​ർ​ച്ച ചെ​യ്തു. ദേ​ശീ​യ​ത​ല​ത്തി​ൽ ബി.​ജെ.​പി​ക്കെ​തി​രെ കോ​ൺ​ഗ്ര​സും സി.​പി.​എ​മ്മും മി​ക്ക​വാ​റും യോ​ജി​ച്ചാ​ണ് നീ​ങ്ങു​ന്ന​ത്. എ​ന്നി​രി​ക്കെ, സി.​പി.​എം സം​ഘ​ടി​പ്പി​ക്കു​ന്ന ഒ​രു ദേ​ശീ​യ സെ​മി​നാ​റി​ൽ കോ​ൺ​ഗ്ര​സ് പ്ര​തി​നി​ധി പ​​ങ്കെ​ടു​ക്കു​ന്ന​തി​ൽ അ​പാ​ക​ത പ​റ​യാ​നാ​വി​ല്ല. എ​ന്നാ​ൽ സം​സ്ഥാ​ന​ത്തെ രാ​ഷ്ട്രീ​യ സാ​ഹ​ച​ര്യ​ങ്ങ​ൾ​ക്ക് അ​നു​സൃ​ത​മാ​യ നി​ല​പാ​ടു​ക​ൾ സം​സ്ഥാ​ന നേ​തൃ​ത്വ​മാ​ണ് സ്വീ​ക​രി​​ക്കു​ന്ന​ത്.

സി.​പി.​എം വേ​ദി​യി​ൽ ത​രൂ​രും മ​റ്റും പോ​കാ​ൻ പാ​ടി​ല്ലെ​ന്ന് കെ.​പി.​സി.​സി നേ​തൃ​ത്വം പ​റ​യു​മ്പോ​ൾ, മ​റി​​ച്ചൊ​രു സ​മീ​പ​നം സ്വീ​ക​രി​ക്കു​ന്ന​ത് സം​സ്ഥാ​ന നേ​തൃ​ത്വ​ത്തെ പ്ര​യാ​സ​ത്തി​ലാ​ക്കു​മെ​ന്നും സോ​ണി​യ വി​ശ​ദീ​ക​രി​ച്ച​താ​യി അ​റി​യു​ന്നു. നി​ർ​ദേ​ശം അം​ഗീ​ക​രി​ച്ച ശ​ശി ത​രൂ​രും കെ.​വി. തോ​മ​സും സെ​മി​നാ​റി​ൽ പ​​ങ്കെ​ടു​ക്കി​ല്ലെ​ന്ന് സി.​പി.​എം നേ​തൃ​ത്വ​ത്തെ അ​റി​യി​ച്ചി​ട്ടു​ണ്ട്.