താജ്മഹൽ ഇന്ത്യൻ സംസ്കാരത്തിന്‍റെ സൗന്ദര്യ പ്രതീകം -ട്രംപ്

ആഗ്ര: യു.എസ്​ പ്രസിഡൻറ്​ ഡോണൾഡ്​ ട്രംപും ഭാര്യ മെലാനിയയും താജ്​മഹൽ സന്ദർ​ശിച്ചു. ഇരുവരും ചേർന്ന്​ താജ്​ മഹൽ ചുറ്റികണ്ടു.

താജ്​മഹലിൻെറ സൗന്ദര്യം വിസ്​മയിപ്പിച്ചു. ഇന്ത്യൻ സംസ്​കാരത്തിൻെറ വൈവിധ്യത്തി​​​െൻറയും ഐശ് വര്യത്തിൻെറയും തെളിവായി അതെന്നും ഉയർന്നുനിൽക്കും- ട്രംപ്​ താജ്​മഹലി​െല സന്ദർശക പുസ്​തകത്തിൽ കുറിച്ചു.

ട്രംപിൻെറ മകൾ ഇവാങ്ക, മരുമകനും വൈറ്റ്​ ഹൗസ്​ ഉപദേഷ്​ടാവുമായ ജാരദ്​ കുഷ്​നർ എന്നിവരും ഉന്നതതല സംഘവും ട്രംപിനൊപ്പമുണ്ടായിരുന്നു.

യു.പി മുഖ്യമന്ത്രി യോഗി ആദിത്യനാഥ്​, ഗവർണർ ആനന്ദി ബെൻ പ​ട്ടേൽ എന്നിവർ ചേർന്നാണ്​ ട്രംപിനെ സ്വീകരിച്ചത്​. താജ്​മഹലിൻെറ ചരിത്രം ട്രംപ്​ ചോദിച്ചറിഞ്ഞു.

തി​ങ്ക​ളാ​ഴ്​​ച 11.40ഓടെ അ​ഹ്​​മ​ദാ​ബാ​ദിലെ സർദാർ വല്ലഭായ് പട്ടേൽ അന്താരാഷ്​ട്ര വിമാനത്താവളത്തിൽ എത്തിയ ട്രംപിനെ പ്രധാനമന്ത്രി നരേന്ദ്രമോദി നേരി​ട്ടെത്തിയാണ്​ സ്വീകരിച്ചത്​.