Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightനിയമകാര്യങ്ങളിൽ ഇനി...

നിയമകാര്യങ്ങളിൽ ഇനി ജാതി പരാമർശം വേണ്ട; ഉത്തരവുമായി രാജസ്ഥാൻ ഹൈകോടതി

text_fields
bookmark_border
നിയമകാര്യങ്ങളിൽ ഇനി ജാതി പരാമർശം വേണ്ട; ഉത്തരവുമായി രാജസ്ഥാൻ ഹൈകോടതി
cancel

ജയ്പൂർ: കോടതി സംബന്ധമായും മറ്റ് നിയമപരമായ കാര്യങ്ങളിലും ഏതെങ്കിലും കുറ്റവാളിയുടെയോ വ്യക്തിയുടെയോ ജാതി പരാമ ർശിക്കരുതെന്ന് രാജസ്ഥാൻ ഹൈകോടതി. ഇത്തരം കാര്യങ്ങളിൽ വ്യക്തിയുടെ ജാതി പരാമർശിക്കുന്നത് ഇന്ത്യൻ ഭരണഘടനക്ക്​ വ ിരുദ്ധമാണെന്നും ഹൈകോടതി പറഞ്ഞു. ജാതിയില്ലാത്ത സമൂഹത്തിനായി സർക്കാർ പരിശ്രമിക്കേണ്ട സമയം അതിക്രമിച്ചുവെന്നും കോടതി വ്യക്തമാക്കി.

തിങ്കളാഴ്​ചയാണ്​ രാജസ്ഥാൻ​ ഹൈകോടതിയിലെ രജിസ്ട്രാർ ജനറൽ ഇതുമായി ബന്ധപ്പെട്ട ഉത്തരവ്​ പുറപ്പെടുവിച്ചത്​. 2018ലെ വിധി പരാമർശിച്ചു കൊണ്ടാണ് കോടതി പുതിയ ഉത്തരവ്.

കേസിൽ പ്രതി ചേർക്കപ്പെട്ടവരുടെയും മറ്റുള്ളവരുടെയും ജാതി പരാമർശിക്കുന്നതായി കോടതിയുടെ ശ്രദ്ധയിൽപ്പെട്ടിട്ടുണ്ട്. കോടതി ഉദ്യോഗസ്ഥർ, പ്രിസൈഡിങ് ഓഫീസർമാർ, പ്രത്യേക കോടതിയിലെ ട്രിബ്യൂണലുകളിൽ ഉള്ളവർ അടക്കം ജാതി പരാമർശിക്കുന്നതായും കണ്ടെത്തിയിട്ടുണ്ട്. ഇത് ഇന്ത്യൻ ഭരണഘടനക്കെതിരാണ്​. ഇത്​ രാജസ്ഥാൺ ഹൈകോടതിയുടെ നിർദേശങ്ങൾക്കനുസൃതമല്ലെന്നും കോടതി ചൂണ്ടിക്കാട്ടി.

അതിനാൽ പ്രതികളടക്കമുള്ള ഏതെങ്കിലും വ്യക്തിയുടെ ജാതി കോടതി സംബന്ധമായോ മറ്റ് നിയമപരമായ കാര്യങ്ങളിലോ ഉൾപ്പെട്ടിട്ടില്ലെന്ന് ഉറപ്പ് വരുത്തേണ്ടത് അധികൃതരുടെ കർത്തവ്യമാണെന്ന് കോടതി ഉത്തരവിട്ടു.

Show Full Article
TAGS:caste system rajasthan high court 
News Summary - Don’t mention caste in judicial, administrative matters rajastan hc-inida news
Next Story