നായെ സ്​കൂട്ടറിൽ കെട്ടിവലിച്ച്​ ക്രൂരത; വഴി തടഞ്ഞപ്പോൾ ഉപേക്ഷിച്ച്​ കടന്നുകളഞ്ഞു

പാട്യാല: സ്​കൂട്ടിയിൽ സഞ്ചരിക്കുന്ന സ്​ത്രീകൾ നായെ കയറുകൊണ്ട്​ കെട്ടിവലിച്ചു. പഞ്ചാബിലെ പാട്യാലയിലാണ്​ സംഭവം. സി.സി.ടി.വിയിൽ ദൃ​ശ്യങ്ങൾ പതിഞ്ഞതോടെയാണ്​ ക്രൂരത പുറംലോകമറിഞ്ഞത്​. പാട്യാല ന്യൂ സെഞ്ചുറി എൻക്ലേവിലൂടെ രണ്ട്​ സ്​ത്രീകളാണ്​ സ്​കൂട്ടറിൽ പരിക്കേറ്റ നായെ കെട്ടിവലിച്ചുകൊണ്ട്​ പോയത്​. ഇതുകണ്ട പ്രദേശത്തെ കുട്ടികൾ വാഹനം തടയുകയായിരുന്നുവെന്ന്​ പൊലീസ്​ പറയുന്നു. ഇതോടെ സ്​ത്രീകൾ പരിക്കേറ്റ നായെ ഉപേക്ഷിച്ച്​ കടന്നുകളഞ്ഞു.

മൃഗങ്ങളോടുത്ത ക്രൂരത തടയൽ നിയമപ്രകാരം സംഭവത്തിൽ കേസ്​ എടുത്തതായി സെഞ്ചുറി എൻക്ലേവ്​ പൊലീസ്​ സ്​റ്റേഷൻ എസ്​.എച്ച്​.ഒ ഗുർമീത്​ സിങ്​ പറഞ്ഞു. സ്​ത്രീകൾക്കായുള്ള അന്വേഷണം ആരംഭിച്ചിട്ടുണ്ട്​.