കോവിഡ്​ വരാതെ സ്വയം കാക്കാനുള്ള ഉത്തരവാദിത്വം ഡോക്​ടർമാർക്കും നഴ്​സുമാർക്കും -കേന്ദ്രം

ന്യൂഡൽഹി: കോവിഡ്​ 19 ബാധിക്കാതെ സ്വയം സംരക്ഷിക്കാനുള്ള അന്തിമ ഉത്തരവാദിത്തം ഡോക്​ടർമാർക്കും നഴ്​സുമാർക്കും തന്നെയാണെന്ന്​ കേന്ദ്ര സർക്കാർ. സുപ്രീം കോടതിയിൽ നൽകിയ സത്യവാങ്​മൂലത്തിലാണ്​ സർക്കാർ ഇങ്ങനെ അഭിപ്രായപ്പെട്ടത്​. ​ൈവറസ്​ ബാധയേൽക്കാതിരിക്കാനുള്ള കരുതൽ ആരോഗ്യ പ്രവർത്തകർ ഉറപ്പുവരുത്തണമെന്ന്​ കേന്ദ്ര ആരോഗ്യ മന്ത്രാലയമാണ്​ സത്യവാങ്​മൂലത്തിൽ പരാമർശിച്ചത്​. കേന്ദ്രസർക്കാറി​​​െൻറ പുതിയ മാർഗനിർ​േദശങ്ങൾ ചോദ്യം ചെയ്​ത്​ ഉദയ്​പൂർ സ്വദേശിയായ ഡോ. ആരുഷി ജെയ്​ൻ സമർപ്പിച്ച പൊതുതാൽപര്യ ഹരജിയിൽ കോടതി നിർദേശ ​പ്രകാരമാണ്​ മന്ത്രാലയം സത്യവാങ്​മൂലം സമർപ്പിച്ചത്​. 

ആരോഗ്യപ്രവർത്തകർക്ക്​ കോവിഡിൽനിന്ന്​ സ്വയം രക്ഷിക്കുന്നതിന്​ മതിയായ പരീശലീനം നൽകിയിട്ടുണ്ട്​. അതിനാൽ, രോഗം ബാധിക്കാതിരിക്കാനുള്ള ഉത്തരവാദിത്വം അവർക്കുതന്നെയാണ്​. മതിയായ സുരക്ഷാക്രമീകരണങ്ങൾ സ്വീകരിച്ചാൽ, ആ​േരാഗ്യപ്രവർത്തകർക്ക്​ രോഗബാധയുണ്ടാവാനുള്ള സാധ്യത ഒരിക്കലും മറ്റുള്ളവരുടേതിനേക്കാൾ ഉയർന്നതാവില്ല. ജോലിസ്​ഥലത്ത്​ പി.പി.ഇ കിറ്റുകൾ  ഉപയോഗിച്ച്​ സുരക്ഷ ഉറപ്പാക്കിയാൽ രോഗം ബാധിക്കില്ലെന്നും സത്യവാങ്​മൂലത്തിൽ ചൂണ്ടിക്കാട്ടി. പി.പി.ഇ കിറ്റുകൾ ഉപയോഗിച്ചിട്ടും രോഗബാധ ഉണ്ടായതായി തെളിയിക്കാൻ ഹരജിക്കാരിക്ക്​ കഴിഞ്ഞിട്ടില്ലെന്നും ആരോഗ്യമന്ത്രാലയം പറഞ്ഞു.

കോവിഡ്​ 19 ബാധക്കെതിരെ പോരാടുന്ന ആരോഗ്യ പ്രവര്‍ത്തകര്‍ക്ക് സംരക്ഷണം നല്‍കണമെന്നും അവരുടെ ചികിത്സ ചെലവുകൾ ഒഴിവാക്കണമെന്നും ഡോ. ആരുഷി ജെയ്​ൻ ഹരജിയിൽ ആവശ്യമുന്നയിച്ചിരുന്നു.