സിസേറിയനി​െട ഡോക്​ടർമാർ തമ്മിൽ തർക്കം; പ്രസവത്തിൽ കുഞ്ഞ്​ മരിച്ചു

ന്യൂഡൽഹി: അടിയന്തര പ്രസവ ശസ്​ത്രക്രിയക്കിടെ ഗർഭിണിയെ ശ്രദ്ധിക്കാതെ ഒാപ്പറേഷൻ തിയേറ്ററിൽ ഡോക്​ടർമാർ തമ്മിൽ തർക്കം. ഒാപ്പറേഷനു മുമ്പ്​ യുവതി​ ഭക്ഷണം കഴിച്ചുവെന്ന കാര്യത്തിലാണ്​ രണ്ട്​ ഡോക്​ടർമാർ തമ്മിൽ തർക്കമുണ്ടായത്​. എന്നാൽ ഡോക്​ടർമാർ തമ്മിലുള്ള വാക് തർക്കം തുടരവെ പ്രസവം നടക്കുകയും കുഞ്ഞ്​ മരിക്കുകയുമായിരുന്നു. 

രാജസ്​ഥാനിലെ ജോധ്​പൂർ ഉമൈദ്​ ആശുപത്രിയിലാണ്​ സംഭവം. കുഞ്ഞിന്​ ഹൃദയസ്​പന്ദനം കുറവാണെന്ന്​ കണ്ടാണ്​ അടിയന്തര ശസ്​ത്രക്രിയക്ക്​ വി​േധയമാകാൻ യുവതിയോട്​ ഡോക്​ടർമാർ ആവശ്യപ്പെട്ടത്​. ശസ്​ത്രക്രിയ തുടങ്ങിയ ഉടൻ പ്രസവ ചികിത്​സകനായ ഡോക്​ടർ അശോക്​ നൈൻവാലും അനസ്​തെറ്റിസ്​റ്റ്​ എം.എൽ. താകും തമ്മിലായിരുന്നു തർക്കം. യുവതി ശസ്​ത്രക്രിയക്ക്​ മുമ്പ്​ ഭക്ഷണം കഴിച്ചിരുന്നോ എന്ന്​ ഡോ. നൈൻവാൽ സംശയമുന്നയിച്ചു. ഇതാണ്​ തർക്കത്തിനിടയാക്കിയത്​. 

പരസ്​പരം പേരു വിളിച്ചും പരിമിതികൾ ചൂണ്ടിക്കാട്ടിയും തർക്കം മുറുകി. ഒരു നഴ്​സും ഡോക്​ടറും ഇരുവരെയും സമാധാനിപ്പിക്കാനും ശസ്​ത്രക്രിയ തുടങ്ങിയ കാര്യം ഒാർമിപ്പിക്കാനും ശ്രമിക്കുന്നുണ്ട്​. എന്നാൽ അതു ശ്രദ്ധിക്കാ​െത തർക്കം തുടരുന്നതിനിടയിൽ പ്രസവം നടക്കുകയും കുഞ്ഞ്​ മരിക്കുകയുമായിരുന്നു. സംഭവത്തെ തുടർന്ന്​ തർക്കത്തിലേർപ്പെട്ട രണ്ട്​ ഡോക്​ടർമാരെയും സസ്​​െപൻറ്​ ചെയ്​തു. ഒാപ്പറേഷൻ തിയേറ്ററിലുണ്ടായിരുന്ന മറ്റൊരു ജീവനക്കാരൻ ദൃശ്യങ്ങൾ മൊബൈലിൽ പകർത്തുകയായിരുന്നു. സംഭവത്തിൽ ഇന്ന്​ ഉച്ചക്ക്​ മുമ്പ്​ റിപ്പോർട്ട്​ നൽകാൻ രാജസ്​ഥാൻ ഹൈകോടതി ആവശ്യപ്പെട്ടിട്ടുണ്ട്​.