തുടർ മരണങ്ങൾ വിഷാദത്തിലേക്ക്​ തള്ളിവിട്ടു; കോവിഡ്​ രോഗികളെ ചികിത്സിച്ചിരുന്ന ഡോക്​ടർ ആത്മഹത്യ ചെയ്​തു

ന്യൂഡൽഹി: കോവിഡ്​ രണ്ടാം തരംഗത്തെ തുടർന്നുണ്ടായ സമ്മർദ്ദം താങ്ങാനാവാതെ ഡൽഹിയിലെ സ്വകാര്യ ആശുപത്രിയിലെ ഡോക്​ടർ ആത്മഹത്യ ചെയ്​തു. ഇന്ത്യൻ മെഡിക്കൽ അസോസിയേഷൻ മുൻ മേധാവി രവി വ​േങ്കഡ്​കറാണ്​​ ട്വിറ്ററിലൂടെ ഇതറിയിച്ചത്​. കോവിഡ്​ രോഗികളെ ചികിത്സിച്ചിരുന്ന വിവേക്​ റോയ്​ എന്നയാളാണ്​ ജീവനൊടുക്കിയത്​. ഭാര്യ രണ്ട്​ മാസം ഗർഭിണിയായിരിക്കെയാണ് ഉത്തർപ്രദേശിലെ ഗൊരഖ്​പുർ സ്വദേശിയായ വിവേക്​​ മരണം പുൽകിയത്​​.

ഉത്തർപ്രദേശിലെ ഗോരഖ്പൂരിൽ നിന്നുള്ള വളരെ ബുദ്ധിമാനായ ഡോക്ടറായിരുന്നു അദ്ദേഹം. പകർച്ചവ്യാധിയുടെ സമയത്ത് നൂറുകണക്കിന് ജീവൻ രക്ഷിക്കാൻ അദ്ദേഹം സഹായിച്ചിട്ടുണ്ട്​. -വ​േങ്കഡ്​കർ ട്വീറ്റിൽ പറഞ്ഞു. ഗുരുതരാവസ്ഥിലുള്ള എ​േട്ടാളം കോവിഡ്​ രോഗികളെയായിരുന്നു ദിവസവും വിവേക്​ പരിചരിച്ചിരുന്നത്​. രോഗികൾ തുടർച്ചയായി മരണപ്പെടുന്നത്​ അദ്ദേഹത്തെ വിഷാദത്തിലേക്ക്​ തള്ളിവിട്ടിരുന്നതായും റിപ്പോർട്ടുണ്ട്​.

കോവിഡ്​ കൈകാര്യം ചെയ്യുന്നവർ നേരിടുന്ന മാനസിക സമ്മർദ്ദങ്ങളിലേക്കാണ്​ ഇൗ സംഭവം​ ശ്രദ്ധ കേന്ദ്രീകരിക്കുന്നത്​. യുവ ഡോക്​ടറുടെ മരണം ഇവിടെയുള്ള 'സിസ്റ്റം' നടത്തിയ കൊലപാതകമല്ലാതെ മറ്റൊന്നല്ല. അടിസ്ഥാന ആരോഗ്യ സംരക്ഷണ സംവിധാനങ്ങൾ പോലും ലഭ്യമാക്കാതെ നിരാശ സൃഷ്​ടിച്ച ഭരണമാണ്​ അതിന്​ കാരണക്കാരൻ. മോശം സയൻസ്​, മോഷം രാഷ്​ട്രീയം മോശം ഭരണം... -മുൻ ​െഎ.എം.എ മേധാവി ട്വിറ്ററിൽ കുറിച്ചു.

This brings into focus d tremendous emotional strain hcws r having while managing C19 crisis.This death of a young dr is nothing short of murder by d "system " which has created frustrations d/t shortages of basic health care facilities.Bad Science,Bad Politics & Bad Governance

— Prof Dr Ravi Wankhedkar (@docraviw) May 1, 2021

പോസ്​റ്റ്​മോർട്ടത്തിനായി വിവേക്​ റോയ്​യുടെ മൃതദേഹം എയിംസിലേക്ക്​ കൊണ്ടുപോയിട്ടുണ്ട്​. സംഭവത്തിൽ അന്വേഷണം ആരംഭിച്ച മൾവിയ നഗർ ​പൊലീസ്,​ ഡോക്​ടറുടെ ആത്മഹത്യാ കുറിപ്പ്​ കണ്ടെടുത്തിട്ടുണ്ട്​.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. ദിശ ടോൾ ഫ്രീ ഹെൽപ് ലൈൻ നമ്പർ: 1056)