Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightതാമസം കാറിൽ; ഇത്​ ഡോ. ...

താമസം കാറിൽ; ഇത്​ ഡോ. സചി​െൻറ കരുതൽ

text_fields
bookmark_border
താമസം കാറിൽ; ഇത്​ ഡോ. സചി​െൻറ കരുതൽ
cancel

ഭോപാൽ: കോവിഡ്​ കാലത്ത്​ കാർ വീടാക്കി പ്രതിരോധ പ്രവർത്തനത്തിൽ ഏർപ്പെട്ട്​ ഭോപ്പാലിലെ ഒരു ഡോക്​ടർ. ഭോപ് പാൽ ജെ.ബി ആശുപത്രിയിൽ​ ജോലിചെയ്യുന്ന ഡോ. സചിൻ നായക്​ ആണ്​ കോവിഡ്​ ബാധിതരെ ചികിത്സിച്ചശേഷം സ്വന്തം കാർ വീടാക ്കി ജീവിക്കുന്നത്​.

തനിക്ക്​ രോഗബാധയുണ്ടെങ്കിൽ വീട്ടുകാർക്കും മറ്റുള്ളവർക്കും അവ പകരാതിരിക്കാനുള്ള മു ൻകരുതലി​​െൻറ ഭാഗമായാണ്​ ഡ്യൂട്ടിക്ക് ശേഷം കാറിൽ താമസിക്കുന്നതെന്ന്​ ഡോക്​ടർ പറയുന്നു​.

ആശുപത്രി ഡ്യൂട്ടി കഴിഞ്ഞ ശേഷം വീട്ടിലേക്ക്​ പോകില്ല, പകരം കാറിൽ തന്നെ കഴിഞ്ഞുകൂടും. ആശുപത്രിക്ക്​ സമീപം തന്നെയാണ്​ കാർ പാർക്ക്​ ചെയ്​തിരിക്കുന്നതും. കാറിനുള്ളിൽ സചിന്​ ദിവസേന ഉപയോഗിക്കാനുള്ള വസ്​ത്രങ്ങളും മറ്റു അവശ്യ വസ്​തുക്കളും കൂടാതെ പുസ്​തകങ്ങളും സൂക്ഷിച്ചുവെച്ചിട്ടുണ്ട്​.

ഡ്യൂട്ടിക്ക്​ ശേഷം പുസ്​തകങ്ങൾ വായിക്കും. ഭാര്യയോടും മക്ക​ളോടും വിഡിയോ കോൾ വഴിയാണ്​ ​സംസാരിക്കുന്നത്​. കഴിഞ്ഞ ഒരാഴ്​ചയായി സചിൻ കാറിനുള്ളിൽ തന്നെയാണ്​ കഴിയുന്നത്​.

ഭോപാലിൽ കോവിഡ്​ ബാധ ആദ്യം റിപ്പോർട്ട്​ ചെയ്​തപ്പോൾ പേടിയൊന്നും തോന്നിയിരുന്നില്ല. എന്നാൽ ദിവസംതോറും രോഗബാധിതരുടെ എണ്ണം കൂടിവന്നതോടെയാണ്​ കാറിനുള്ളിൽ താമസിക്കാൻ തീരുമാനിച്ചതെന്ന്​ ഡോക്​ടർ പറയുന്നു. മധ്യപ്രദേശ്​ മുഖ്യമന്ത്രി ശിവരാജ്​ സിങ്​ ചൗഹാൻ സമൂഹമാധ്യമങ്ങളിൽ ഡോക്​ടറെ പ്രശംസിച്ച്​ പങ്കുവെച്ച ചിത്രം ഇതിനോടകം വൈറലായിട്ടുണ്ട്​.

Show Full Article
TAGS:covid 19 corona virus madhyapradesh Bhopal india news malayalam news Dr. Sachin Nayak 
News Summary - Doctor on Coronavirus Duty in Bhopal living Inside his Car -India news
Next Story