കമൽഹാസനും സൽമയും രാജ്യസഭയിലേക്ക്​; ഡി.​എം.​കെ സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചു

ചെ​ന്നൈ: ന​ട​നും ‘മ​ക്ക​ൾ നീ​തി മ​യ്യം’ പ്ര​സി​ഡ​ന്റു​മാ​യ ക​മ​ൽ​ഹാ​സ​നും ക​വ​യി​ത്രി​യും എ​ഴു​ത്തു​കാ​രി​യും പാ​ർ​ട്ടി വ​ക്താ​വു​മാ​യ സ​ൽ​മ​യും ഡി.​എം.​കെ ടി​ക്ക​റ്റി​ൽ രാ​ജ്യ​സ​ഭ​യി​ലേ​ക്ക്. നി​ല​വി​ലെ രാ​ജ്യ​സ​ഭാം​ഗം അ​ഡ്വ: പി. ​വി​ൽ​സ​ൺ, സേ​ലം മു​ൻ എം.​എ​ൽ.​എ എ​സ്.​ആ​ർ. ശി​വ​ലിം​ഗം എ​ന്നി​വ​രാ​ണ് മ​റ്റു ഡി.​എം.​കെ സ്ഥാ​നാ​ർ​ഥി​ക​ൾ. ത​മി​ഴ്‌​നാ​ട്ടി​ല്‍ ആ​റും അ​സ​മി​ല്‍ ര​ണ്ടും അ​ട​ക്കം എ​ട്ട് രാ​ജ്യ​സ​ഭ സീ​റ്റു​ക​ളി​ലേ​ക്ക് ജൂ​ൺ 19നാ​ണ് തെ​ര​ഞ്ഞെ​ടു​പ്പ്. എം.​എ​ൽ.​എ​മാ​രു​ടെ എ​ണ്ണം ക​ണ​ക്കി​ലെ​ടു​ത്താ​ൽ ഡി.​എം.​കെ സ​ഖ്യ​ത്തി​ന് നാ​ലും അ​ണ്ണാ ഡി.​എം.​കെ-​ബി.​ജെ.​പി സ​ഖ്യ​ത്തി​ന് ര​ണ്ട് സീ​റ്റു​ക​ളും ല​ഭി​ക്കും.

2024 ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ന് മു​മ്പാ​ണ് മ​ക്ക​ൾ നീ​തി മ​യ്യം ഡി.​എം.​കെ സ​ഖ്യ​ത്തി​ന് പി​ന്തു​ണ പ്ര​ഖ്യാ​പി​ച്ച​ത്. ബി.​ജെ.​പി നേ​താ​വ് കെ. ​അ​ണ്ണാ​മ​ലൈ ജ​ന​വി​ധി തേ​ടി​യ കോ​യ​മ്പ​ത്തൂ​ർ മ​ണ്ഡ​ല​ത്തി​ൽ ക​മ​ൽ​ഹാ​സ​ൻ മ​ത്സ​രി​ക്കാ​ൻ ത​യാ​റാ​യി​രു​ന്നു. എ​ന്നാ​ൽ, ബി.​ജെ.​പി സ്ഥാ​നാ​ർ​ഥി​യെ തോ​ൽ​പി​ക്കു​ക​യെ​ന്ന ല​ക്ഷ്യ​ത്തോ​ടെ കോ​യ​മ്പ​ത്തൂ​ർ സീ​റ്റ് ഡി.​എം.​കെ ഏ​റ്റെ​ടു​ക്കു​ക​യാ​യി​രു​ന്നു. ഇ​തി​ന് പ​ക​ര​മാ​യി ക​മ​ൽ​ഹാ​സ​ന് ഡി.​എം.​കെ രാ​ജ്യ​സ​ഭ സീ​റ്റ് വാ​ഗ്ദാ​നം ന​ൽ​കി. 2018ലാ​ണ് ക​മ​ൽ​ഹാ​സ​ൻ മ​ക്ക​ൾ നീ​തി മ​യ്യം രൂ​പ​വ​ത്ക​രി​ച്ച് രാ​ഷ്ട്രീ​യ​ത്തി​ലി​റ​ങ്ങി​യ​ത്. 2021 ലെ ​നി​യ​മ​സ​ഭാ തി​ര​ഞ്ഞെ​ടു​പ്പി​ൽ കോ​യ​മ്പ​ത്തൂ​ർ സൗ​ത്ത് മ​ണ്ഡ​ല​ത്തി​ൽ ബി.​ജെ.​പി​യു​ടെ വാ​ന​തി ശ്രീ​നി​വാ​സ​നോ​ട് ക​മ​ൽ​ഹാ​സ​ൻ കു​റ​ഞ്ഞ വോ​ട്ടു​ക​ൾ​ക്കാ​ണ് പ​രാ​ജ​യ​പ്പെ​ട്ട​ത്.