മോദിക്കെതിരെ അസഭ്യ പരാമർശം: തമിഴ്നാട് മന്ത്രിക്കെതിരെ കേസ്

മോദിക്കെതിരെ അസഭ്യ പരാമർശം: തമിഴ്നാട് മന്ത്രിക്കെതിരെ കേസ്ചെന്നൈ: നരേന്ദ്ര മോദിക്കെതിരെ അസഭ്യ പരാമർശം നടത്തിയ തമിഴ്നാട് ഫിഷറീസ് മന്ത്രി അനിത ആർ. രാധാകൃഷ്ണനെതിരെ കേസ്. പരസ്യമായി അസഭ്യം പറഞ്ഞതിനാണ് കേസ്.

ഈ മാസം 22ന് തൂത്തുക്കുടിയിലെ തണ്ടപാതുവിൽ ഡി.എം.കെ പ്രവർത്തകരുടെ യോഗത്തിലായിരുന്നു മന്ത്രിയുടെ പരാമർശം. സേലത്തെ പൊതുയോഗത്തിൽ കാമരാജിനെ പ്രശംസിച്ച നരേന്ദ്ര മോദിയെ വിമർശിക്കുമ്പോഴായിരുന്നു വിവാദ പ്രസ്താവന.

ബി.ജെ.പി തൂത്തുക്കുടി സൗത്ത് ജില്ല പ്രസിഡന്റ് ആർ. സിദ്ധ്രാംഗദന്റെ പരാതിയിൽ മെയ്നാനപുരം പൊലീസാണ് കേസെടുത്തത്.