പുതുച്ചേരിയിൽ ഡി.എം.കെ–കോൺഗ്രസ്​ സീറ്റ്​ ധാരണയായി

ചെ​ന്നൈ: പു​തു​ച്ചേ​രി നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഡി.​എം.​കെ​-​കോ​ൺ​ഗ്ര​സ്​ മു​ന്ന​ണി​യി​ൽ സീ​റ്റ്​ ധാ​ര​ണ​യാ​യി. പു​തു​ച്ചേ​രി​യി​ൽ 30 നി​യ​മ​സ​ഭ സീ​റ്റു​ക​ളാ​ണു​ള്ള​ത്. ഇ​തി​ൽ കോ​ൺ​​ഗ്ര​സ്​- 15, ഡി.​എം.​കെ - 13, സി.​പി.​െ​എ- ഒ​ന്ന്, വി​ടു​ത​ലൈ ശി​രു​തൈ​ക​ൾ ക​ക്ഷി- ഒ​ന്ന്​ എ​ന്നി​ങ്ങ​നെ​യാ​ണ്​ മ​ത്സ​രി​ക്കു​ക. തെ​ര​ഞ്ഞെ​ടു​പ്പി​നു​ശേ​ഷം മു​ഖ്യ​മ​ന്ത്രി​യെ തീ​രു​മാ​നി​ക്കും.

2016ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​നെ അ​പേ​ക്ഷി​ച്ച്​ കോ​ൺ​ഗ്ര​സി​ന്​ ആ​റ്​ സീ​റ്റ്​ കു​റ​ഞ്ഞു. 21 സീ​റ്റി​ൽ മ​ത്സ​രി​ച്ച കോ​ൺ​ഗ്ര​സ് 15 സീ​റ്റി​ൽ വി​ജ​യി​ച്ചു. ഒ​മ്പ​തു സീ​റ്റി​ൽ മ​ത്സ​രി​ച്ച ഡി.​എം.​കെ മൂ​ന്നു സീ​റ്റി​ൽ മാ​ത്ര​മാ​ണ്​ ജ​യി​ച്ച​ത്.

എ​ൻ.​ഡി.​എ സ​ഖ്യ​ത്തി​ൽ എ​ൻ.​ആ​ർ കോ​ൺ​ഗ്ര​സ്​ 16 സീ​റ്റി​ലും ബി.​ജെ.​പി, അ​ണ്ണാ ഡി.​എം.​കെ ക​ക്ഷി​ക​ൾ 14 സീ​റ്റി​ലും മ​ത്സ​രി​ക്കും. ബി.​ജെ.​പി​യും അ​ണ്ണാ ഡി.​എം.​കെ​യും ത​മ്മി​ലു​ള്ള സീ​റ്റ്​ വി​ഭ​ജ​ന ത​ർ​ക്കം തു​ട​രു​ക​യാ​ണ്. ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​നം ഇ​ന്നു​ണ്ടാ​വും.

സീ​റ്റ്​ ന​ൽ​കാ​ത്ത​തി​ൽ പ്ര​തി​ഷേ​ധി​ച്ച്​ മ​റ്റൊ​രു ഘ​ട​ക​ക​ക്ഷി​യാ​യ പ​ട്ടാ​ളി മ​ക്ക​ൾ ക​ക്ഷി​ (പി.​എം.​കെ) എ​ൻ.​ഡി.​എ​യി​ൽ​നി​ന്ന്​ പു​റ​ത്തു​പോ​യി. പി.​എം.​കെ എ​ല്ലാ​യി​ട​ത്തും ത​നി​ച്ചു​ മ​ത്സ​രി​ക്കാ​നാ​ണ്​ തീ​രു​മാ​നം.