Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right‘ബി.ജെ.പി...

‘ബി.ജെ.പി അംഗീകരിച്ചാലും ഇല്ലെങ്കിലും ചരിത്രം ചരിത്രമാണ്​’ - ഡി.കെ ശിവകുമാർ

text_fields
bookmark_border
‘ബി.ജെ.പി അംഗീകരിച്ചാലും ഇല്ലെങ്കിലും ചരിത്രം ചരിത്രമാണ്​’ - ഡി.കെ ശിവകുമാർ
cancel

ബംഗളൂരു: കർണാടകയിലെ പാഠപുസ്​തകങ്ങളിൽ നിന്നും ടിപ്പു സുൽത്താനെയും മുഹമ്മദ്​ നബിയെയും യേശുക്രിസ്​തുവിനെയും ഒഴിവാക്കിയതിൽ പ്രതി​ഷേധവുമായി കർണാടക കോൺഗ്രസ്​ അധ്യക്ഷൻ ഡി.കെ ശിവകുമാർ. 

‘‘ബി.ജെ.പി സർക്കാർ എല്ലാം രാഷ്​ട്രീയമാക്കുകയാണ്​. അവർക്ക്​ വ്യക്തിഗത അജണ്ടക്കൊപ്പം ചരിത്രപരമായ അജണ്ടയുമുണ്ട്​്​. ഇത്​ അംഗീകരിക്കാനാകില്ല. അവർ അംഗീകരിച്ചാലും ഇല്ലെങ്കിലും ടിപ്പുവും ഹൈദരാലിയും മുഹമ്മദ്​ നബിയുമെല്ലാം ചരിത്രമാണ്​. ജോയിൻറ്​ കമ്മിറ്റി സെഷനിൽ പ​െങ്കടുത്ത്​ ഇന്ത്യയുടെ പ്രസിഡൻറ്​ തന്നെ ടിപ്പുവിനെ സ്​തുതിച്ചിട്ടുണ്ട്​. ടിപ്പു ജയന്തി ആഘോഷിക്കുന്നതും ആഘോഷിക്കാതിരിക്കുന്നതും വേറെ കാര്യമാണ്​. ചരിത്രം ചരിത്രമാണ്​. പാഠപുസ്​തക ഡ്രാഫ്​റ്റ്​ കമ്മിറ്റി കരിക്കുലം മാറ്റാൻ ശ്രമിക്കുകയാണ്​. ഇത്​ ശരിയല്ല. നമുക്ക്​ ചരിത്രത്തെ മാറ്റാനാകില്ല’’ - ഡി.കെ ശിവകുമാർ പ്രതികരിച്ചു.

കോവിഡി​​െൻറ പശ്ചാത്തലത്തിൽ അധ്യയന ദിനങ്ങൾ കുറയുന്നതി​​െൻറ പേരിലാണ്​ പാഠപുസ്തകങ്ങളിൽനിന്ന് മൈസൂരു ഭരണാധികാരികളായിരുന്ന ഹൈദരാലിയെയും ടിപ്പു സുൽത്താനെയും  കർണാടക സർക്കാർ ‘വെട്ടിമാറ്റി'യത്​. പ്രവാചകൻ മുഹമ്മദ് നബി, യേശു ക്രിസ്തു എന്നിവരെകുറിച്ച് വിശദീകരിക്കുന്ന പാഠഭാഗങ്ങളും ഭരണഘടനയെക്കുറിച്ചുള്ള ഭാഗങ്ങളും സംസ്ഥാന വിദ്യാഭ്യാസ ബോർഡ് സിലബസിൽനിന്നും നീക്കം ചെയ്തിരുന്നു. ഇതിനെതിരെ പ്രതിഷേധവുമായി ബംഗളൂരു ആർച്ച്​ ബിഷപ്പ്​ റവ: പീറ്റർ മക്കാഡോ അടക്കമുള്ളവർ രംഗത്തെത്തിയിരുന്നു.

2015ൽ സിദ്ധരാമയ്യ സർക്കാർ കർണാടകയിൽ ടിപ്പു ജയന്തി ആഘോഷങ്ങൾ തുടങ്ങിയതിനെതിരെ സംഘ്​പരിവാർ രംഗത്തെത്തിയിരുന്നു. യെദ്യൂരപ്പ അധികാരമേറ്റതിന്​ പിന്നാലെ ഇത്​ റദ്ദാക്കിയിരുന്നു. ഡി.കെ ശിവ​കുമാർ അടക്കമുള്ള കോൺഗ്രസ്​ നേതാക്കൾ ടിപ്പു ജയന്തി ആഘോഷങ്ങളിൽ പ​െങ്കടുക്കുകയും ടിപ്പുവിനെ പ്രകീർത്തിക്കുകയും ചെയ്​തിരുന്നു. 

Show Full Article
TAGS:43485 2569 127754 
Web Title - dk shivkunar on tippu sulthan issue -malayalam news
Next Story