ഭിന്നിപ്പിക്കുന്ന നേതാവല്ല, മോദി ഇന്ത്യയെ ഒന്നിപ്പിക്കുന്നു; മലക്കം മറിഞ്ഞ്​ ടൈം

ന്യൂയോർക്​: ലോക്​സഭ തെരഞ്ഞെടുപ്പിനു മുമ്പ്​ നരേന്ദ്ര മോദിയെ ഇന്ത്യയെ ഭിന്നിപ്പിക്കുന്ന നേതാവെന്ന്​ വിശ േഷിപ്പിച്ച്​ ലേഖനം പ്രസിദ്ധീകരിച്ച ടൈം മാഗസിൻ നിലപാട്​ മാറ്റി. ദശാബ്​ദങ്ങള്‍ക്കിടയില്‍ മറ്റൊരു പ്രധാനമന്ത് രിക്കും കഴിയാത്തതുപോലെ മോദി ഇന്ത്യയെ ഒന്നിപ്പിക്കുന്നു എന്നാണ്​ ടൈം മാഗസി​​െൻറ പുതിയ എഡിറ്റോറിയലി​​െൻറ തലക ്കെട്ട്. ഇന്ത്യ ഐ.എൻ.സി ​ഗ്രൂപ്പ്​ സ്​ഥാപകനും ചീഫ്​ എക്​സിക്യൂട്ടിവുമായ മനോജ് ലാദ്വയാണ് എഡിറ്റോറിയല്‍ എഴുതിയ ത്.

2014ല്‍ മോദിക്കുവേണ്ടി കാ​മ്പയിന്‍ നടത്തിയ ആളാണ്​ ലാദ്വ. പാർലമ​െൻറ്​ തെരഞ്ഞെടുപ്പിൽ ബി.ജെ.പി ചരിത്രവിജയം നേടിയതിനുപിന്നാലെയാണ്​ ടൈം നിലപാട്​ മാറ്റിയത്​. ടൈം മാഗസി​​െൻറ വെബ്‌സൈറ്റില്‍ ചൊവ്വാഴ്ചയാണ് ലേഖനം വന്നത്. വിവിധ തട്ടുകളാക്കി വിഭജിച്ചിരുന്ന ജനങ്ങളെ മോദി സമർഥമായി അതിജീവിച്ചെന്ന് ലേഖനം നിരീക്ഷിക്കുന്നു. പിന്നാക്ക സമുദായത്തില്‍ ജനിച്ചു എന്നുള്ളതാണ് മോദിയെ ഐക്യത്തി​​െൻറ വക്താവാക്കിയതെന്നും ലാദ്വ വിലയിരുത്തുന്നു.

മോദി ജനിച്ചത് സമൂഹത്തിലെ ഏറ്റവും പിന്നാക്കംനില്‍ക്കുന്ന വിഭാഗത്തിലാണ്. ഈ തെരഞ്ഞെടുപ്പില്‍ മോദി ചെയ്തതുപോലെ കഴിഞ്ഞ അഞ്ച് ദശാബ്​ദക്കാലത്ത് മറ്റൊരു പ്രധാനമന്ത്രിയും ഇന്ത്യന്‍ സമ്മതിദായകരെ ഒന്നിപ്പിച്ചില്ല. സാമൂഹിക പുരോഗമന സ്വഭാവമുള്ള നയങ്ങളിലൂടെ മോദി ഇന്ത്യന്‍ ജനതയുടെ പട്ടിണി മാറ്റി. മോദി സ്വയം വര്‍ക്കിങ് ക്ലാസി​​െൻറ പ്രതിനിധിയായി ഉയര്‍ത്തിക്കാട്ടുകയും രാജ്യത്തെ പാവപ്പെട്ട പൗരന്മാരുടെ പ്രതിനിധിയായി അവതരിപ്പിക്കുകയും ചെയ്യുന്നു; 72 വര്‍ഷത്തോളം ഇന്ത്യയെ നയിച്ച നെഹ്‌റു-ഗാന്ധി രാഷ്​ട്രീയ പാരമ്പര്യം ചെയ്തതുപോലെ എന്നാണ്​ ലേഖനത്തില്‍ വിശദീകരിക്കുന്നത്.

മാധ്യമപ്രവര്‍ത്തകന്‍ തസീര്‍ സ്ലമ്മേദ് എഴുതിയ ആദ്യത്തെ ലേഖനത്തില്‍ മോദിയെ ഇന്ത്യന്‍ ജനതയെ ഭിന്നിപ്പിക്കുന്ന നേതാവായാണ് വിശേഷിപ്പിക്കുന്നത്. ​െതരഞ്ഞെടുപ്പില്‍ പ്രതിപക്ഷം ഈ ലേഖനം ഒരു പ്രചാരണ വിഷയമാക്കി ഉയര്‍ത്തിയിരുന്നു. തസീര്‍ പാകിസ്താനിയാണെന്നും അതിനാലാണ് ഇത്തരത്തില്‍ ലേഖനം എഴുതിയതെന്നുമായിരുന്നു ബി.ജെ.പിയുടെ മറുപടി.