''കപിൽ മിശ്രക്കെതിരെ കേസെടുക്കാത്തത്​ എന്തുകൊണ്ട്​?'' ബി.ജെ.പി സർക്കാറിന്‍റെ വാദം ഖണ്ഡിച്ച്​ ദിഗ്​ വിജയ്​ സിങ്

ന്യൂഡൽഹി: രാമനവമി ഘോഷയാത്രയിലെ അക്രമങ്ങളിൽ പൊലീസ്​ രജിസ്​​റ്റർ ചെയ്ത കേസുകളിലെ പ്രതികള​ുടെ വീടുകളാണ്​ തകർത്തതെന്ന മധ്യപ്രദേശ്​ ബി.ജെ.പി സർക്കാറിന്‍റെ അവകാശവാദത്തെ ഖണ്ഡിച്ച്​ മധ്യപ്രദേശ്​ മുൻ മുഖ്യമന്ത്രിയും മുതിർന്ന കോൺഗ്രസ്​ നേതാവുമായ​ ദിഗ്​വിജയ്​ സിങ്ങ്​. മധ്യപ്രദേശിലെത്തി കലപാഹ്വാനം നടത്തിയ ഡൽഹി ബി.ജെ.പി നേതാവ്​ കപിൽ മിശ്ര​യുടെ വിദ്വേഷ പ്രസംഗം ഖർഗോൻ ജില്ലാ ഭരണകുടവും പൊലീസും കേട്ടിട്ടില്ലേയെന്ന്​ സിങ് ചോദിച്ചു. ​

കപിൽ മിശ്രയുടെ പ്രംസഗം ട്വിറ്ററിൽ പങ്കുവെച്ചാണ്​ ദിഗ്​വിജയ്​ സിങ്​ ഈ ചോദ്യമുന്നയിച്ചത്​. പൗരത്വ സമരക്കാർക്കെതിരെ വടക്കുകിഴക്കൻ ഡൽഹിയിൽ വംശീയാക്രമണത്തിന്​ തുടക്കമിട്ടുവെന്ന ആക്ഷേപത്തിനിരയായ ബി.ജെ.പി നേതാവ്​ കപിൽ മിശ്ര മധ്യപ്രദേശിൽ വന്ന്​ രാമനവമി ഘോഷയാത്രക്ക്​ പ്രകോപനമുണ്ടാക്കിയെന്ന്​ വ്യാപക വിമർശനം ഉയർന്നിട്ടുണ്ട്​.