ജയിലി​െല അഴിമതി: റിപ്പോർട്ട്​ നൽകിയ ഡി.​െഎ.ജിക്ക്​ സ്​ഥലം മാറ്റം 

ബം​ഗ​ളൂ​രു: രണ്ടു കോടി രുപ കൈക്കൂലി വാങ്ങി പ​ര​പ്പ​ന അ​ഗ്ര​ഹാ​ര സെ​ൻ​ട്ര​ൽ ജ​യി​ലി​ൽ ശ​ശി​ക​ല​ക്ക്​ പ്രത്യേക സൗകര്യങ്ങൾ ഒരുക്കിയെന്ന റിപ്പോർട്ട്​ നൽകിയ കർണാടക പൊലീസ്​ ഒാഫീസർ ഡി.രൂപക്കും ജയിൽ ഡി.ജി.പി എ​ച്ച്.​എ​ൻ. സ​ത്യ​നാ​രാ​യ​ണ റാ​വുവിനും സ്​ഥലം മാറ്റം. രൂപയെ ട്രാഫിക്കിലേക്കാണ്​​ സ്​ഥലം മാറ്റിയത്​. ബംഗളൂരു ​െസൻട്രൽ ജയിലിൽ ശശികലക്ക്​ മാത്രമായി അടുക്കളയും പരിചാരകരുമു​െണ്ടന്നും ഇൗ സൗകര്യങ്ങൾ ലഭിക്കാൻ ​ജയിൽ ഡി.ജി.പി എ​ച്ച്.​എ​ൻ. സ​ത്യ​നാ​രാ​യ​ണ റാ​വുവിന്​ രണ്ടു​ കോടി കൈക്കൂലി നൽകിയെന്നുമാണ്​ രൂപ ക​െണ്ടത്തിയത്​.

റിപ്പോർട്ട്​ പുറത്തു വന്നയുടൻ മുഖ്യമന്ത്രി സിദ്ധരാമയ്യ സംഭവത്തെ കുറിച്ച്​ ​അന്വേഷിക്കാൻ ഉത്തരവിട്ടിരുന്നു. പിന്നീട്​ റി​പ്പോ​ർ​ട്ട്​ മാ​ധ്യ​മ​ങ്ങ​ൾ​ക്ക്​ ചോ​ർ​ന്നു​കി​ട്ടി​യ​തു​മാ​യി ബ​ന്ധ​പ്പെ​ട്ട്​ ഡി.​െ​എ.​ജി രൂ​പ​യോ​ടും  സ​ത്യ​നാ​രാ​യ​ണ റാ​വു​വി​നോ​ടും കാ​ര​ണം ബോ​ധി​പ്പി​ക്കാ​ൻ സ​ർ​ക്കാ​ർ ആ​വ​ശ്യ​പ്പെട്ടു.  എ​ന്നാ​ൽ, താ​ൻ മാ​ധ്യ​മ​ങ്ങ​ൾ​ക്ക്​ റി​പ്പോ​ർ​ട്ട്​ ന​ൽ​കി​യി​ട്ടി​ല്ലെ​ന്നാ​യി​രു​ന്നു രൂ​പ​യു​ടെ പ്ര​തി​ക​ര​ണം. അതിനു തൊട്ടു പിറകെയാണ്​ അവർക്ക്​ സ്​ഥലം മാറ്റം ഉണ്ടായത്​. 

താൻ കൈക്കൂലി വാങ്ങിയെന്ന രൂപയുടെ ആരോപണം അടിസ്​ഥാന രഹിതമാണെന്ന്​ റാവുവും പ്രതികരിച്ചു. റാവു വിരമിക്കാൻ ദിവസങ്ങൾ മാത്രമാണ്​ ബാക്കിനിൽക്കെയാണ്​ സ്​ഥലം മാറ്റം. 

കോ​ടി​ക്ക​ണ​ക്കി​ന്​ രൂ​പ​യു​ടെ ത​ട്ടി​പ്പ്​ ന​ട​ത്തി​യ സ്​​റ്റാ​മ്പ്​ പേ​പ്പ​ർ റാ​ക്ക​റ്റി​ലെ മു​ഖ്യ​ക​ണ്ണി​യാ​യ അ​ബ്​​ദു​ൽ ക​രീം തെ​ൽ​ഗി​ക്കും ജ​യി​ലി​ൽ സ​ത്യ​നാ​രാ​യ​ണ റാ​വു അ​ട​ക്ക​മു​ള്ള മു​തി​ർ​ന്ന ഉ​ദ്യോ​ഗ​സ്​​ഥ​ർ പ്ര​ത്യേ​ക സൗ​ക​ര്യ​ങ്ങ​ൾ ഒ​രു​ക്കി​യെ​ന്നും രൂപയൂടെ റിപ്പോർട്ടിൽ ആരോപണമുണ്ട്​. വി.​കെ. ശ​ശി​ക​ല​ക്ക്​  പ്ര​ത്യേ​ക സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തി​യ​ത്​ പ​ക​ർ​ത്തി​യ വി​ഡി​യോ രം​ഗ​ങ്ങ​ൾ ജ​യി​ലി​ലെ ചി​ല പൊ​ലീ​സ്​ ഉ​ദ്യോ​ഗ​സ്​​ഥ​ർ ന​ശി​പ്പി​ച്ച​താ​യും ഡി.​െ​എ.​ജി രൂ​പ ആരോപിച്ചിരുന്നു.