രാഹുലിന്​ മാനസരോവർ യാത്ര അനുവദിച്ചില്ലെന്ന്​ കോൺഗ്രസ്​; അപേക്ഷിച്ചില്ലെന്ന്​ മന്ത്രാലയം

ന്യൂഡൽഹി: ഇൗ വർഷ​െത്ത കൈലാസ്​ മാനസരോവർ യാത്രക്ക്​ രാഹുൽ ഗാന്ധിക്ക്​ അനുമതി നൽകിയില്ലെന്ന കോൺഗ്രസ്​ ആരോപണത്തിന്​ മറുപടിയുമായി വിദേശകാര്യ മന്ത്രാലയം. തീർഥാടന യാത്രക്ക്​ രാഹുൽ അപേക്ഷ നൽകിയിരുന്നി​െല്ലന്ന്​ വിദേശകാര്യ മന്ത്രാലയം വക്​താവ്​ രവീഷ്​ കുമാർ അറിയിച്ചു. രാഹുൽ അപേക്ഷ നൽകിയിട്ടും വിദേശകാര്യ മന്ത്രാലയം മറുപടി നൽകിയില്ലെന്നായിരുന്നു​ കോൺഗ്രസി​​​െൻറ​ ആരോപണം. 

കർണാടക തെരഞ്ഞെടുപ്പിന്​ ശേഷം കൈലാസ്​ മാനസരോവറിൽ തീർഥയാത്ര പോകണ​െമന്ന്​ രാഹുൽ ആഗ്രഹിച്ചിരുന്നു. എന്നാൽ അതിന്​ പ്രത്യേക അനുമതിക്ക്​ അപേക്ഷിച്ചിട്ടും വിദേശകാര്യമന്ത്രാലയം മറുപടി നൽകിയില്ലെന്ന്​ കോൺഗ്രസ്​ പറഞ്ഞു. 
  
രണ്ട്​ വഴിയിലൂടെയാണ്​ യാത്രക്ക്​ സൗകര്യമൊരുക്കുന്നതെന്ന്​ വിദേശകാര്യ വക്​താവ്​ രവീഷ്​ കുമാർ വിശദീകരിച്ചു. ഒന്ന്​ മന്ത്രാലയമൊരുക്കുന്ന വഴി. അതിനായി മന്ത്രാലയത്തി​​​െൻറ വെബ്​സൈറ്റിൽ രജിസ്​റ്റർ ചെയ്യാം. രജിസ്​റ്റർ ചെയ്​തവരിൽ നിന്ന്​ സുതാര്യമായ തെരഞ്ഞെടുപ്പിലൂടെ യാത്രികരെ ക​െണ്ടത്തുകയും അവരുടെ പേരുവിവരങ്ങൾ വെബ്​ സെറ്റിൽ പ്രസിദ്ധീകരിക്കുകയും ചെയ്യും. രാഹുലി​​​െൻറ പേര്​ ഇങ്ങനെ രജിസ്​റ്റർ ചെയ്​തിട്ടില്ലെന്നും രവീഷ്​ പറഞ്ഞു. 

മറ്റൊന്ന്​ സ്വകാര്യ യാത്രാ ഏജൻസികൾ വഴിപോകുന്നതാണ്​. ഇങ്ങനെ പോകു​േമ്പാൾ ചില അപേക്ഷകൾ നമുക്ക്​ ഉൾപ്പെടുത്താൻ സാധിക്കും. എന്നാൽ അത്തരത്തിലും രാഹുൽ ഗാന്ധിയുടെ അപേക്ഷ ലഭിച്ചിട്ടില്ല. ജൂൺ എട്ടു മുതൽ സെപ്​തംബർ എട്ടുവരെ നടക്കുന്ന യാത്രക്ക്​ അപേക്ഷിക്കാനുള്ള അവസാന തീയതി മാർച്ച്​ 23 ആയിരുന്നു. എന്നാൽ ഏപ്രിൽ 29ന്​ രാംലീല മൈതാനിയിൽ നടന്ന ജൻ ആ​േക്രാശ്​ റാലിയിലാണ്​ യാത്രപോകാൻ താത്​പര്യമുണ്ടെന്ന്​ രാഹുൽ അറിയിച്ചതെന്നും മന്ത്രാലയം വ്യക്​തമാക്കി. 

എന്നാൽ സമാജികർക്കുള്ള പ്രത്യേക അനുമതിയാണ്​ രാഹുൽ ആവശ്യ​െപ്പട്ടതെന്ന്​ അറിയിച്ചപ്പോഴും അത്തരത്തിലും അപേക്ഷ ലഭിച്ചിട്ടില്ലെന്നാണ്​ മന്ത്രാലയത്തി​​​െൻറ നിലപാട്​.