കങ്കണയുടെ പാചക കഥ വ്യാജം​? സ്​മൂത്തി ബൗൾ ഗൂഗിളിൽ നിന്ന്​ ക​ട്ടെടുത്തതെന്നും​ ആരോപണം

നടി കങ്കണ റണാവത്ത്​ ട്വിറ്ററിൽ പങ്കുവച്ച പാചകചിത്രം വ്യാജമെന്ന ആരോപണവുമായി നെറ്റിസൺസ്​. സ്വന്തമായി പാചകം ചെയ്​തതെന്നുപറഞ്ഞ്​ ട്വീറ്റ്​ ചെയ്​ത സ്മൂത്തി ബൗളിന്‍റെ ചിത്രം ഗൂഗിളിൽ നിന്ന്​ കോപ്പിയടിച്ചതെന്നാണ്​ ആരോപണം ഉയർന്നിരിക്കുന്നത്​. വ്യാഴാഴ്ചയാണ്​ കങ്കണ ചിത്രവും കുറിപ്പും പോസ്റ്റ്​ ചെയ്​തത്​.

There is nothing I appreciate more than self made food, here's my very own personal recipe a summer smoothie for breakfast with lots of organic honey nuts and fruits ❤️#Tejas pic.twitter.com/UVqVkfx6Lh

— Kangana Ranaut (@KanganaTeam) March 4, 2021

'സ്വയം നിർമിച്ച ഭക്ഷണത്തേക്കാൾ ഞാൻ വിലമതിക്കുന്ന ഒന്നുമില്ല. ഇതാ പ്രഭാതഭക്ഷണത്തിനുള്ള എന്‍റെ സ്വന്തം പാചകക്കുറിപ്പ്, സമ്മർ സ്​മൂത്തി. ധാരാളം ഓർഗാനിക് തേനും പരിപ്പും പഴങ്ങളും അടങ്ങിയത്​'-കങ്കണ ട്വീറ്റ്​ ചെയ്​തു. ഇതോടൊപ്പം പങ്കുവച്ച ചിത്രം ഗൂഗിളിൽ നിന്ന്​ എടുത്തതാണെന്നും പാചകക്കുറിപ്പ്​ വ്യാജമാണെന്നും ആരോപിച്ച്​ ട്വിറ്ററിലെ ഒരു വിഭാഗം രംഗത്ത്​ എത്തിയതോടെയാണ്​ സംഭവം വിവാദമായത്​. ഗൂഗിളിൽ 'സ്പ്രിങ്​ അകായ് ബൗൾ' എന്ന് വിളിക്കുന്ന ഈ സ്​മൂത്തി ലോകമെമ്പാടും പ്രശസ്തമായ പ്രഭാതഭക്ഷണമാണെന്നും ഇതിന്‍റെ ചിത്രങ്ങൾ നേരത്തേ പങ്കുവയ്​ക്കപ്പെട്ടിട്ടുണ്ടെന്നും നിരവധിപേർ ചൂണ്ടിക്കാട്ടി. എന്നാൽ തന്‍റെ വാനിനുള്ളിലിരുന്നാണ്​ ചിത്രം എടുത്തതെന്നും ചിലർ അന്താരാഷ്ട്ര പ്രശസ്​തനായ ഒരു ഷെഫിന്‍റെ ബ്ലോഗിൽ നിന്നുള്ള ചിത്രമായി ഇതിനെ തെറ്റിദ്ധരിക്കുകയാണെന്നും വിശദീകരിച്ച്​ കങ്കണ രംഗത്തെത്തി.

You have same table as professional chef and you managed to put one drop of honey on spoon just like Chef.

Sirf Bhakton ko pagal bana sakti ho, sabko nahi. pic.twitter.com/Au6oDFB3VB

— Nimo Tai 2.0 (@Cryptic_Miind) March 4, 2021

'പ്രൊഫഷണൽ ഷെഫിന്‍റെ പ്രശസ്ത ബ്ലോഗിലെ ചിത്രവുമായി എന്‍റെ വാനിൽ നി​െന്നടുത്ത ചിത്രം തെറ്റിദ്ധരിക്കുന്നുവെന്ന് വിശ്വസിക്കാനാവുന്നില്ല. ഞാൻ നല്ലവളാണെന്നും ഒരു പ്രൊഫഷണലിനെപ്പോലെ നല്ലവളാണെന്നും എനിക്കറിയാം' എന്നായിരുന്നു കങ്കണയുടെ വിശദീകരണം. ഓസ്‌ട്രേലിയയിലെ അടുക്കള ബ്രാൻഡായ കുവിംഗ്സ് എന്ന വെബ്‌സൈറ്റിൽ നിന്നുള്ള പാചകക്കുറിപ്പാണിതെന്ന വിശദീകരണവുമായും നിരവധിപേർ രംഗത്തുവന്നു.

People are claiming @KanganaTeam Copied Image from Internet claiming personal recipe.
Fact-Check: Look at both the Pictures below. A careful observer will notice the first Pic has one extra Nut pic.twitter.com/vtZEc80GwM

— Joy (@Joydas) March 4, 2021

പ്രധാനമായും കട്ടിയുള്ള സ്മൂത്തി ബൗളാണിത്​. ശീതീകരിച്ച പഴങ്ങൾ ഉപയോഗിച്ചാണ്​ സ്​മൂത്തി ഉണ്ടാക്കുന്നത്​. പഴങ്ങൾ, ഗ്രനോള, പരിപ്പ്, നിലക്കടല വെണ്ണ, തേൻ മുതലായവയും ഈ സ്​മൂത്തിയിൽ ഉൾപ്പെടുത്താറുണ്ട്​. നിലവിൽ കങ്കണയുടെ സ്​മൂത്തി ബൗളിനെചൊല്ലിയുള്ള നെറ്റിസൺസ്​ തമ്മിലെ തർക്കം അവസാനിച്ചിട്ടില്ല.

Hahahaha can't believe some people are mistaking this picture from my van this morning for some international professional chef's famous blog, I knew I am good but sooo good like a professional.... seriously had no clue. Thrilled to know I am awesome at everything that I do ❤️ pic.twitter.com/hmBok2Rr0S

— Kangana Ranaut (@KanganaTeam) March 4, 2021