നിരപരാധികളെ അറസ്​റ്റ്​ ചെയ്യില്ല; സ്ഥിതി നിയന്ത്രണത്തിലെന്ന്​ യു.പി ഡി.ജി.പി

ലഖ്​നോ: യു.പിയിലെ ക്രമസമാധാനനില നിയന്ത്രണത്തിലാണെന്ന്​ ഡി.ജി.പി ഒ.പി സിങ്​. കേസുകൾ അന്വേഷിക്കുന്നതിനായി പ്രത്യേക സംഘങ്ങളെ നിയോഗിച്ചിട്ടുണ്ട്​. 21 ജില്ലകളിൽ ഇൻറർനെറ്റ്​ നിരോധിച്ചു​. സ്ഥിതി മെച്ചപ്പെട്ടാൽ ഇൻറർനെറ്റ്​ സേവനം പുനഃസ്ഥാപിക്കുമെന്നും അദ്ദേഹം പറഞ്ഞു.

നിരപരാധികൾക്കെതിരെ പൊലീസ്​ നടപടിയുണ്ടാകില്ല. എന്നാൽ, അക്രമപ്രവർത്തനങ്ങളിൽ ഏർപ്പെട്ടവരെ വെറുതെ വിടില്ല. പോപ്പുലർ ഫ്രണ്ട്​ ഓഫ്​ ഇന്ത്യയുൾപ്പടെ നിരവധി സംഘടനകളിലെ അംഗങ്ങളെ അക്രമപ്രവർത്തനങ്ങളുമായി ബന്ധപ്പെട്ട്​ അറസ്​റ്റ്​ ചെയ്​തിട്ടുണ്ടെന്നും ഒ.പി സിങ്​ വ്യക്​തമാക്കി.

അതേസമയം, യു.പി പൊലീസി​​െൻറ ക്രൂരതകൾ വിവരിക്കുന്ന നിരവധി റിപ്പോർട്ടുകളും പുറത്ത്​ വരുന്നുണ്ട്​. കുട്ടികളെ ഉൾപ്പടെ യു.പി പൊലീസ്​ അകാരണമായി മർദിച്ചുവെന്നാണ്​ വാർത്തകൾ. പ്രായപൂർത്തിയാകാത്ത നിരവധി പേരെ പൊലീസ്​ അറസ്​റ്റ്​ ചെയ്​തിട്ടുണ്ട്​.