റൺവേ ലൈറ്റുകൾ കേടുവരുത്തി; രണ്ട്​ സ്​പൈസ്​ജെറ്റ്​ പൈലറ്റുമാർക്ക്​ സസ്​പെൻഷൻ

ന്യൂഡൽഹി: റൺവേ ലൈറ്റുകൾക്ക്​ കേടുവരുത്തിയെന്ന പരാതിയിൽ രണ്ട്​ സ്​പൈസ്​ജെറ്റ്​ പൈലറ്റുമാരെ വ്യോമയാന മന്ത് രാലയം സസ്​പെൻഡ്​ ചെയ്​തു. ഒക്​ടോബർ 31ന്​ മംഗളൂരു വിമാനത്തിൽ ലാൻഡ്​ ചെയ്യുന്നതിനിടെ റൺവേ ലൈറ്റുകൾക്ക്​ കേടുവര ുത്തിയെന്ന പരാതിയിൽ നാല്​ മാസത്തിന്​ ശേഷമാണ്​ നടപടിയുണ്ടായത്​​.

മംഗളൂരു വിമാനത്താവളത്തിലെ ലാൻഡിങ്ങിനിടെ മൂന്ന്​ റൺവേ ലൈറ്റുകൾ കേടുവരുത്തിയെന്നായിരുന്നു പരാതി. തുടർന്ന്​ വ്യോമയാനമന്ത്രാലയം പരാതിയിൽ അന്വേഷണം പ്രഖ്യാപിക്കുകയും നടപടിയെടുക്കുകയായിരുന്നു. ദുബൈയിൽ നി​ന്നെത്തിയ വിമാനമാണ്​ റൺവേ ലൈറ്റിന്​ തകരാർ വരുത്തിയത്​.

സംഭവത്തെ തുടർന്ന്​ കമാൻഡ്​ പൈലറ്റിനും ഫ്ലൈറ്റ്​ ഫസ്​റ്റ്​ ഓഫീസർക്കും വ്യോമയാന മന്ത്രാലയം കാരണം കാണിക്കൽ നോട്ടീസ്​ നൽകിയിരുന്നു. ഇതിന്​ ഇവർ നൽകിയ മറുപടി തൃപ്​തികരമല്ലാത്തതിനെ തുടർന്നാണ്​ സസ്​പെൻഷൻ.