ലൈംഗിക പീഡനക്കേസ്​: ആൾദൈവത്തിന്‍റെ ഭക്തയും അറസ്​റ്റിൽ

ചെന്നൈ: ലൈംഗീക പീഡനക്കേസിൽ റിമാൻഡിലായ ആൾദൈവത്തിന്‍റെ ഭക്തയും പോക്​സോ നിയമ പ്രകാരം അറസ്​റ്റിൽ. ചെങ്കൽപ്പട്ട്​ കേളമ്പാക്കം സുശീൽഹരി ഇൻറർനാഷനൽ സ്​കൂൾ സ്​ഥാപകനും ആൾദൈവവുമായ ശിവശങ്കർബാബ(72)യുടെ സഹായിയായി വർത്തിച്ചിരുന്ന സുഷ്​മിത(32)യെയാണ്​ അറസ്റ്റ്​ ചെയ്​തത്​. അതിനിടെ,​ നെഞ്ചുവേദന അനുഭവപ്പെട്ടതിനെ തുടർന്ന്​ ബാബയെ ചെന്നൈ രാജീവ്​ഗാന്ധി ഗവ. ജനറൽ ആശുപത്രിയിൽ പ്രവേശിപ്പിച്ചു.

വിദ്യാർഥിനികളെ പ്രലോഭിപ്പിച്ച്​ ബാബയുടെ താമസസ്​ഥലത്ത്​​ എത്തിച്ചത്​ സുഷ്​മിതയാണെന്നാണ്​ സി.ബി.സി.​െഎ.ഡി പൊലീസിന്‍റെ കണ്ടെത്തൽ. ​ കൂടുതൽ ചോദ്യംചെയ്യലിനായി ബാബയെ പത്ത്​ ദിവസം കസ്​റ്റഡിയിൽ വിട്ടുകിട്ടുന്നതിന്​ ചെങ്കൽപ്പട്ട്​ മഹിള കോടതിയിൽ പൊലീസ്​ അപേക്ഷ സമർപ്പിച്ചു.

സ്​കൂൾ പൂർവ വിദ്യാർഥിനികൾ നൽകിയ പരാതിയെ തുടർന്ന്​ ബു​ധ​നാ​ഴ്​​ച ഡ​ൽ​ഹി​യി​ലാണ്​ ബാബ അ​റ​സ്​​റ്റി​ലാ​യത്​. പൂർവ വിദ്യാർഥിനികളുടെ മീടു കാമ്പയി​െൻറ ഭാഗമായി​ ബാബക്കെതിരെ 15ലധികം വിദ്യാർഥിനികൾ സാമൂഹമാധ്യമങ്ങളിൽ പീഡന വിവരം പങ്കുവെച്ചിരുന്നു.​

ശ്രീകൃഷ്​ണ​െൻറ അവതാരമെന്ന്​ സ്വയം പ്രഖ്യാപിച്ച ബാബ​ വിദ്യാർഥിനികളെ 'ഗോപിക'മാരെന്ന്​ പറഞ്ഞ്​ പീഡിപ്പിക്കുകയായിരുന്നു. ജന്മദിനത്തിൽ അനുഗ്രഹം വാങ്ങാനെത്തിയ വിദ്യാർഥിനിയോട്​ അശ്ലീല വിഡിയോ കാണാനും മദ്യം കഴിക്കാനും ബാബ നിർബന്ധിച്ചു. തുടർന്ന്​ പീഡനത്തിനിരയാക്കി. വ്യത്യസ്ത ലൈംഗിക വിദ്യകളെക്കുറിച്ചും പതിവായി ആരോഗ്യകരമായ ലൈംഗിക ബന്ധത്തിൽ ഏർപ്പെടേണ്ടതി​‍െൻറ പ്രാധാന്യത്തെക്കുറിച്ചും വാചാലമാകാറുള്ള ബാബ സമ്മാനങ്ങൾ നൽകാമെന്ന വ്യാജേന പെൺകുട്ടികളെ ത​െൻറ മാളികയിലേക്ക്​ വിളിപ്പിച്ച്​ പീഡനത്തിന്​ ഇരയാക്കുക പതിവായിരുന്നുവത്രെ.