ഫഡ്​നാവിസിന്​ കോവിഡ്​; ആശങ്കയിൽ ബി.ജെ.പി ക്യാമ്പ്​

മുംബൈ: മഹാരാഷ്​ട്ര മുൻ മുഖ്യമ​ന്ത്രിയും ബി.ജെ.പി നേതാവുമായ ദേവേന്ദ്ര ഫഡ്​നാവിസിന്​ കോവിഡ്​. ബിഹാറിലെ തെരഞ്ഞെടുപ്പ്​ ​പ്രചാരണത്തിലെ പ്രധാന സാന്നിധ്യവും ബിഹാറി​െൻറ ചുമതലയുള്ള ബി.ജെ.പി നേതാവുമായ ഫഡ്​നാവിസിന്​ കോവിഡ്​ പടർന്നത്​ എൻ.ഡി.എ കേന്ദ്രങ്ങളിൽ ആശങ്ക പടർത്തിയിട്ടുണ്ട്​.

ഇന്ന്​ നടത്തിയ ​പരിശോധനയിലാണ്​ ഫഡ്​നാവിസിന്​ കോവിഡ്​ സ്ഥിരീകരിച്ചത്​. ''ലോക്​ഡൗൺ പ്രഖ്യാപിച്ചത്​ മുതലുള്ള ഓരോ ദിവസവും താൻ ജോലിയെടുക്കുകയായിരുന്നു. ഇപ്പോൾ ഇടവേളയെടുക്കാനായി ദൈവം അതിൽ നിന്നും തടഞ്ഞിരിക്കുകയാണ്​. കോവിഡ്​ ബാധിച്ചതിനാൽ ഐസൊലേഷനിലാണ്​. ഡോക്​ടർമാരുടെ നിർദേശം അനുസരിച്ചുള്ള ചികിത്സ സ്വീകരിക്കുന്നുണ്ട്​''-ഫഡ്​നാവിസ്​ പ്രതികരിച്ചു.