രാജ്യം ഓക്​സിജൻ ക്ഷാമത്തിൽ വലയു​േമ്പാഴും കയറ്റുമതിയിൽ ഇന്ത്യ മുൻപന്തിയിൽ

ന്യൂഡൽഹി: കോവിഡി​നിടെ രാജ്യം ഓക്​സിജൻ ക്ഷാമത്തിൽ വലയു​േമ്പാഴും കയറ്റുമതിയിൽ മുൻപന്തിയിലെത്തി ഇന്ത്യ. 2020-21 സാമ്പത്തിക വർഷത്തിൽ മുൻ വർഷവുമായി താരതമ്യം ചെയ്യു​േമ്പാൾ ഇന്ത്യയുടെ ഓക്​സിജൻ കയറ്റുമതി വർധിച്ചു.

2020 ഏപ്രിൽ മുതൽ 2021 ജനുവരി വരെയുള്ള കാലയളവിൽ 9,301 മെ​ട്രിക്​ ടൺ ഓക്​സിജനാണ്​ ഇന്ത്യ കയറ്റി അയച്ചത്​. ഇതിലൂ​െട 8.9 കോടി രൂപ രാജ്യത്തിന്​ ലഭിക്കുകയും ചെയ്​തു. എന്നാൽ 2019-20 സാമ്പത്തിക വർഷത്തിൽ 4,514 മെട്രിക്​ ടൺ ഓക്​സിജൻ മാത്രമാണ്​ ഇന്ത്യ കയറ്റുമതി ചെയ്​തത്​. 5.5 കോടി രൂപ സ്വരൂപിക്കുകയും ചെയ്​തു.

കോവിഡിന്‍റെ രണ്ടാം തരംഗത്തിൽ രോഗികളുടെ ചികിത്സക്ക്​ അത്യാവശ്യം വേണ്ട ഒന്നാണ്​ മെഡിക്കൽ ഓക്​സിജൻ. പക്ഷേ, രോഗികളുടെ എണ്ണംഉയരു​േമ്പാഴും രാജ്യത്ത്​ ആവശ്യത്തിന്​ ഓക്​സിജൻ സ്​റ്റോക്കില്ല. ഡൽഹി മുഖ്യമന്ത്രി അരവിന്ദ്​ കെജ്​രിവാർ ഉൾപ്പടെയുള്ളവർ ഓക്​സിജൻ ക്ഷാമത്തിൽ പരാതിയുമായി എത്തിയിരുന്നു.