രാംലീല മൈതാനത്ത്​ തടിച്ചുകൂടി ആയിരക്കണക്കിന്​ അന്തർ സംസ്​ഥാന തൊഴിലാളികൾ

ഗാസിയബാദ്​: ശ്രമിക്​ ​െട്രയിനിൽ നാട്ടിലേക്ക്​ മടങ്ങാനായി രജിസ്​റ്റർ ചെയ്യാൻ തടിച്ചുകൂടിയത്​ ആയിരക്കണക്കിന്​ അന്തർ സംസ്​ഥാന തൊഴിലാളികൾ. സാമൂഹിക അകല മാനദണ്ഡങ്ങൾ പാലിക്കാതെയാണ്​ ഗാസിയബാദിലെ രാംലീല മൈതാനിയിൽ ആയിരങ്ങൾ തടിച്ചുകൂടിയത്​. അവിടെനിന്ന്​ ബസിൽ തൊഴിലാളികളെ കയറ്റി റെയിൽവേ സ്​റ്റേഷനിലെത്തിക്കും. ബിഹാറിലേക്ക്​ മടങ്ങാനുള്ളവരാണ്​ ഭൂരിഭാഗം പേരും. 

തൊഴിലാളികള​ുടെ വിവരം ശേഖരിക്കുന്നതിനായി വളരെ കുറച്ച്​ കൗണ്ടറുകളിൽ ഉദ്യോഗസ്​ഥർ ഇരിക്കുന്നതും ചിത്രങ്ങളിൽ കാണാം. ചിലർ ധരിച്ചിരിക്കുന്ന വസ്​ത്രങ്ങൾകൊണ്ട്​ മുഖം മൂടിയിട്ടു​ണ്ടെന്നല്ലാതെ മറ്റു മുൻകരുതൽ നടപടികളൊന്നും അവിടെ സ്വീകരിച്ചിട്ടില്ല. ‘എനിക്ക്​ കോവിഡ്​ രോഗബാധയെക്കുറിച്ച്​ അറിയില്ല, എങ്കിലും പട്ടിണി കിടന്ന്​ മരിക്കാൻ ഞാൻ ആഗ്രഹിക്കുന്നില്ല’ നാട്ടിലേക്ക്​ മടങ്ങാനെത്തിയ ​െതാഴ​ിലാളികളിൽ ഒരാൾ പറഞ്ഞു.  

More visuals from Ghaziabad where migrants have turned up in large numbers to get themselves registered for special trains. This is the time medical screening and quarantine facilities in East UP and Bihar should be stepped up to the maximum. pic.twitter.com/oGZAs4yIfx

— Piyush Rai (@Benarasiyaa) May 18, 2020

ലക്ഷക്കണക്കിന്​ അന്തർ സംസ്​ഥാനതൊഴിലാളികളാണ്​ ലോക്​ഡൗണിനെ തുടർന്ന്​ നാട്ടിലേക്ക്​ മടങ്ങാനാകാതെ വിവിധ സംസ്​ഥാനങ്ങളിൽ കുടുങ്ങിയത്​. പലരും തൊഴിൽ നഷ്​ടപ്പെട്ടതോടെ പട്ടിണിമൂലം നടന്നും സൈക്കിളിലും നാടെത്താൻ ശ്രമിച്ചുകൊണ്ടിരിക്കുകയാണ്​. കിലോമീറ്ററുകളോളം കാൽനടയായി നടന്ന പലരും അപകടങ്ങളിലും പട്ടിണി മൂലവും മരിച്ചുവീണു​. ഇതേ തുടർന്ന്​ വിവിധ സംസ്ഥാനങ്ങളി​േലക്ക്​ മടങ്ങാനായി ശ്രമിക്​ ട്രെയിനുകൾ ഏർപ്പാടാക്കിയിരുന്നു.