Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഡൽഹി തണുത്തുറഞ്ഞു...

ഡൽഹി തണുത്തുറഞ്ഞു തന്നെ; ട്രെയിനുകൾ വൈകി ഓടുന്നു

text_fields
bookmark_border
ഡൽഹി തണുത്തുറഞ്ഞു തന്നെ; ട്രെയിനുകൾ വൈകി ഓടുന്നു
cancel

ന്യൂഡൽഹി: ഡൽഹി ഉൾ​പ്പെടെയുള്ള വടക്കേ ഇന്ത്യൻ സംസ്ഥാനങ്ങളിൽ അതിശൈത്യം തുടരുന്നു. അന്തരീക്ഷം മൂടൽ മഞ്ഞ്​ നിറഞ്ഞിരിക്കുകയാണ്​. ഇന്നലെ രേഖപ്പെടുത്തിയ താഴ്​ന്ന താപനില 2.5 ഡിഗ്രി സെൽഷ്യസാണ്​. ഡൽഹിയിലെ വായു നിലവാര സൂചിക 450 കടന്നു കഴിഞ്ഞു. ഇത്​ ഏറെ അപകടകരമായ നിലയാണ്​. ഉത്തർ പ്രദേശിലെ ഗ്രേറ്റർ നോയ്​ഡയിൽ ഞായറാഴ്​ച രാത്രി 11.30ന്​ മൂടൽ മഞ്ഞ്​ നിറഞ്ഞ്​ കാഴ്ച മറഞ്ഞ്​ കാർ കനാലിലേക്ക്​ മറിഞ്ഞുണ്ടായ​ കാറപകടത്തിൽ ആറ്​ പേർ മരിച്ചു.​ അഞ്ച്​ പേർക്ക്​ പരിക്കേൽക്കുകയും ചെയ്​തിട്ടുണ്ട്​.

മൂടൽ മഞ്ഞ്​ നിറഞ്ഞതിനാൽ ഡൽഹി റയിൽവേ സ്​റ്റേഷനിലും വിമാനത്താവളത്തിലും ഉൾപ്പെടെ മൂടൽ മഞ്ഞ്​ കനത്ത്​ കാഴ്​ച മറഞ്ഞതോടെ ട്രെയിൻ സർവീസുകളിൽ പലതും വൈകി ഓടുകയാണ്​. 30ഓളം ട്രെയിനുകളാണ്​ വൈകി ഓടുന്നത്​. എന്നാൽ സർവീസുകൾ റദ്ദാക്കിയിട്ടില്ല. മോശം കാലാവസ്ഥയെ തുടർന്ന് ഡൽഹിയിൽ വിമാനത്താവളത്തിൽ നിന്നുള്ള സാധാരണ വിമാന സർവീസുകൾ താൽക്കാലികമായി നിർത്തിവെച്ചിരിക്കുകയാണ്​.​ മൂന്ന്​ വിമാനങ്ങൾ​ വഴി തിരിച്ചു വിടുകയും ചെയ്​തിട്ടുണ്ട്​. യാത്ര ചെയ്യുന്ന വിമാനത്തെ കുറിച്ചുള്ള പുതുക്കിയ വിവരങ്ങളറിയാൻ യാത്രക്കാർ വിമാന അധികൃതരുമായി ബന്ധപ്പെട്ടുകൊണ്ടിരിക്കണമെന്ന്​ അറിയിച്ചിട്ടുണ്ട്​. മോശം കാലാവസ്ഥ തുടരുന്നതിനാൽ ജനങ്ങളോട് പുറംപണികളിൽ ഏർപ്പെടുന്നത്​ ഒഴിവാക്കാൻ​ സർക്കാർ ആവശ്യപ്പെട്ടിരിക്കുകയാണ്​.

ഡൽഹിയിലെ കാളിന്ദി ഗഞ്ച്​, മയൂർ വിഹാർ ഫേസ്​ 1, ആർ.കെ. പുരം, ഡൽഹി ക​േൻറാൺമ​​​​െൻറ്​ മേഖല എന്നിവിടങ്ങളിൽ മൂടൽ മഞ്ഞ്​ നിറഞ്ഞിരിക്കുകയാണ്​. അതിശൈത്യത്തിൽ വലഞ്ഞ ഭവനരഹിതർക്ക്​​ വിവിധ രാത്രികാല പാർപ്പിടങ്ങളിൽ അഭയം നൽകിയിട്ടുണ്ട്​. ജനുവരി മൂന്ന്​ വരെ നിലവിലുള്ള കാലാവസ്ഥ തുടരുമെന്നാണ്​ കാലാവസ്ഥാ പ്രവചനം.

Show Full Article
TAGS:dense fog cold weather india news malayalam news 
News Summary - dense fog impacts flight operations at delhi airport 30 trains running late due to low visibility -india news
Next Story