ബി.ജെ.പിയിൽ പിന്മാറ്റം പ്രഖ്യാപിച്ച് ഹർഷ് വർധനും നിതിൻ പട്ടേലും

ന്യൂഡൽഹി: മൂ​ന്നാം വ​ട്ട​വും അ​ധി​കാ​ര​ത്തി​ലേ​റു​മെ​ന്ന് ​മോ​ദി​യും ബി.​ജെ.​പി​യും ക​ട്ടാ​യം പ​റ​യു​ന്ന​തി​നി​ട​യി​ലും ബി.​ജെ.​പി​യി​ൽ​നി​ന്ന് കൊ​ഴി​ഞ്ഞു​പോ​ക്ക്. ലോ​ക്സ​ഭ സീ​റ്റ് നി​ഷേ​ധി​ക്ക​പ്പെ​ട്ട മു​ൻ കേ​ന്ദ്ര​മ​ന്ത്രി​യും ബി.​ജെ.​പി​യു​ടെ ഡ​ൽ​ഹി മു​ഖ്യ​മ​ന്ത്രി മു​ഖ​വു​മാ​യി​രു​ന്ന ഹ​ർ​ഷ് വ​ർ​ധ​ൻ രാ​ഷ്​​ട്രീ​യം മ​തി​യാ​ക്കി ആ​രോ​ഗ്യ​മേ​ഖ​ല​യി​​ലേ​ക്ക് മ​ട​ങ്ങു​ക​യാ​ണെ​ന്ന് അ​റി​യി​ച്ചു. ലോ​ക്സ​ഭ തെ​ര​ഞ്ഞെ​ടു​പ്പി​ൽ ഇ​ക്കു​റി മ​ത്സ​രി​ക്കാ​നി​ല്ലെ​ന്ന് ഗു​ജ​റാ​ത്ത് മു​ൻ മു​ഖ്യ​മ​ന്ത്രി നി​തി​ൻ പ​ട്ടേ​ലും പ്ര​ഖ്യാ​പി​ച്ചു.

ഡ​ൽ​ഹി​യി​ലെ സി​റ്റി​ങ് എം.​പി ഗൗ​തം ഗം​ഭീ​റും ഝാ​ർ​ഖ​ണ്ഡി​ൽ​നി​ന്നു​ള്ള യ​ശ്വ​ന്ത് സി​ൻ​ഹ എം.​പി​യും രാ​ഷ്ട്രീ​യ പി​ന്മാ​റ്റം പ്ര​ഖ്യാ​പി​ച്ച​തി​ന് പി​റ്റേ​ന്നാ​ണ് ര​ണ്ട് മു​തി​ർ​ന്ന നേ​താ​ക്ക​ൾ​കൂ​ടി സ​ജീ​വ രാ​ഷ്ട്രീ​യം വി​ടു​ന്ന​ത്. കൃ​ഷ്ണ​ന​ഗ​റി​ലെ ഇ.​എ​ൻ.​ടി ക്ലി​നി​ക് ത​ന്നെ കാ​ത്തി​രി​ക്കു​ന്നു​ണ്ടെ​ന്ന് ഹ​ർ​ഷ് വ​ർ​ധ​ൻ ‘എ​ക്സി’​ൽ കു​റി​ച്ചു. രാ​ഷ്ട്രീ​യം വി​ട്ട ഹ​ർ​ഷ് വ​ർ​ധ​നും ഗൗ​തം ഗം​ഭീ​റി​നും പു​റ​മെ ഡ​ൽ​ഹി​യി​ൽ ആ​ദ്യ പ​ട്ടി​യി​ൽ സി​റ്റി​ങ് എം.​പി​മാ​രാ​യ കേ​ന്ദ്ര​മ​ന്ത്രി മീ​നാ​ക്ഷി ലേ​ഖി, ഡ​ൽ​ഹി ക​ലാ​പ​ത്തി​ന് കാ​ര​ണ​ക്കാ​ര​നാ​യെ​ന്ന ആ​രോ​പ​ണം നേ​രി​ടു​ന്ന മു​ൻ മു​ഖ്യ​മ​ന്ത്രി സാ​ഹി​ബ് സി​ങ് വ​ർ​മ​യു​ടെ മ​ക​ൻ പ​ർ​വേ​ഷ് വ​ർ​മ, പാ​ർ​ല​മെ​ന്റി​ൽ അ​സ​ഭ്യ​വ​ർ​ഷം ന​ട​ത്തി​യ ര​മേ​ശ് ബി​ധു​രി എ​ന്നി​വ​ർ​ക്കും സീ​റ്റ് നി​ഷേ​ധി​ച്ചി​രു​ന്നു.