ലോക്​സഭാ സീറ്റില്ല; കോൺഗ്രസ്​ എം.എൽ.എ പാർട്ടി ഒാഫീസിലെ 300 കസേരകൾ കടത്തി

ഒൗറംഗാബാദ്​: ലോക്​സഭാ തെരഞ്ഞെടുപ്പിൽ മത്​സരിക്കാൻ അവസരം നൽകാത്തതിൽ പ്രതിഷേധിച്ച്​ കോൺഗ്രസ്​ എം.എൽ.എ പാർട്ടി ഒാഫീസിലെ 300 ​കസേരകൾ കടത്തിക്കൊണ്ടുപോയി. സെൻട്രൽ മഹാരാഷ്​ട്രയിലാണ്​ സംഭവം. കോൺഗ്രസ്​ എം.എൽ.എ അബ്​ദുൾ സത്താറും സഹായികളുമാണ്​ പാർട്ടിയുടെ പ്രാദേശിക ഒാഫീസിൽ നിന്ന്​ കസേരകൾ കടത്തിയത്​.

സില്ലോദിൽ നിന്നുള്ള എം.എൽ.എയാണ്​ സത്താർ. താൻ പാർട്ടി അംഗത്വം രാജിവെക്കുകയാണെന്ന്​ പറഞ്ഞ സത്താർ കസേരകൾ ത​​െൻറ കൈവശമുണ്ടെന്നും അറിയിച്ചു.

സഖ്യകക്ഷിയായ എൻ.സി.പിയുമായി ചേർന്ന്​ കോൺഗ്രസി​​െൻറ പ്രാദേശിക യൂണിറ്റ്​ ഷാഹ്​ഗഞ്ചിലെ ഒാഫീസിൽ യോഗം വിളിച്ചിരുന്നു. യോഗത്തിന്​ മുന്നോടിയായാണ്​ എം.എൽ.എയുടെ സഹായികൾ കസേരകൾ എടുത്തു മാറ്റിയത്​. തുടർന്ന്​ യോഗം എൻ.സി.പി ഒാഫീസിലേക്ക്​ മാറ്റുകയായിരുന്നു.

പാർട്ടിയുടെ പ്രമുഖ നേതാവാണ്​ സത്താർ. ഒൗറംഗാബാദിൽ നിന്ന്​ സീറ്റ്​ ലഭിക്കുമെന്നും പ്രതീക്ഷിച്ചിരുന്നു. എന്നാൽ എം.എൽ.എയായ സുഭാഷ്​ സമ്പാതി​െന മത്​സരിപ്പിക്കാൻ പാർട്ടി തീരുമാനിക്കുകയായിരുന്നു. ഇതാണ്​ സത്താറിനെ പ്രകോപിപ്പിച്ചത്​.

കസേരകൾ ത​േൻറതാണെന്നും കോൺഗ്രസ്​ യോഗങ്ങൾക്ക്​ വേണ്ടി നൽകിയതായിരുന്നെന്നും സത്താർ വാർത്താ ഏജൻസി പി.ടി.​െഎയോട്​ പറഞ്ഞു. ഇ​േപ്പാൾ താൻ പാർട്ടി വിട്ടതിനാൽ കസേരകളും തരികെ എടുത്തു. സ്​ഥാർനാർഥി ആരാണോ അവരാണ്​ പ്രചാരണങ്ങൾക്ക്​ വേണ്ടി സൗകര്യങ്ങൾ ഒരുക്കേണ്ടതെന്നും സത്താർ കൂട്ടിച്ചേർത്തു.

സത്താറി​ന്​ കസേരകളുടെ ആവശ്യം വന്നതുകൊണ്ടാണ്​ അവ എടുത്തതെന്നും അതിൽ കോൺഗ്രസിന്​ അസ്വസ്​ഥതയില്ലെന്നും പാർട്ടി സ്​ഥാനാർഥി സുഭാഷ്​ പ്രതികരിച്ചു. സത്താർ ഇപ്പോഴും കോൺഗ്രസിൽ തന്നെയുണ്ടെന്നും രാജി ഇതുവരെ അംഗീകരിച്ചിട്ടില്ലെന്നും സുഭാഷ്​ വ്യക്​തമാക്കി.