നോട്ട്​ നിരോധനം: കടലാസ്​ കമ്പനികൾക്കെതിരെ ക്രിമിനൽ കേസ്​

മ​ും​ൈ​ബ: നോട്ട്​ നിരോധനത്തിന്​ ശേഷം അനധികൃതമായി നിക്ഷേപം നടത്തിയ കടലാസ്​ കമ്പനികൾക്കെതി​െ ക്രിമിനൽ കേസെടുക്കാൻ കേന്ദ്രസർക്കാർ ഒരുങ്ങുന്നു. കമ്പനി നിയമത്തിൽ ഭേദഗതി വരുത്തി ക്രിമിനൽ കേസുമായി മുന്നോട്ട്​ പോകാനാണ്​ സർക്കാറി​​െൻറ നീക്കം.  നേരത്തെ കമ്പനി നിയമത്തിലെ 447ാം വകുപ്പനുസരിച്ച്​  2 ലക്ഷം കമ്പനികളുടെ രജിസ്​ട്രേഷൻ കേന്ദ്രസർക്കാർ റദ്ദാക്കിയിരുന്നു. ബാലൻസ്​ ഷീറ്റ്​, ആദായ നികുതി റി​േട്ടൺ എന്നിവ സമർപ്പിക്കാത്ത കമ്പനികളുടെ രജിസ്​ട്രേഷനാണ്​ റദ്ദാക്കിയിരിക്കുന്നത്​. 

 മൂന്ന്​ മുതൽ 10 വർഷം വരെ തടവും പിഴയും ശിക്ഷയായി ലഭിക്കുന്ന കുറ്റങ്ങൾ ചുമത്തിയാവും കമ്പനികൾക്കെതിരെ കേസെടുക്ക​ുക. ദീർഘകാലമായി ഒരു സാമ്പത്തിക ഇടപാടും നടത്താത്ത സ്ഥാപനങ്ങളെയായിരിക്കും സർക്കാർ പരിശോധിക്കുക.

നോട്ട്​ അസാധുവാക്കൽ തീരുമാനം പ്രഖ്യാപിച്ച ശേഷം 5,800 കടലാസ്​ കമ്പനികളുടെ അക്കൗണ്ടുകളിൽ 4,600 കോടിയോളം രൂപ നിക്ഷേപമെത്തിയിരുന്നു. ഇതിൽ 4,552 കോടിയും ​െവെകാതെ പിൻവലിക്കപ്പെ​െട്ടന്നും ആദായ നികുതി വകുപ്പ്​ കണ്ടെത്തിയിരുന്നു.