ദീപാവലിക്ക്​ മുമ്പു തന്നെ ഡൽഹിയിൽ ശുദ്ധവായു കുറവെന്ന് 

ന്യൂഡൽഹി: ദീപാവലി വരാനിരിക്കെ ഡൽഹിയിലെ അന്തരീക്ഷ വായു കൂടുതൽ മലിനമെന്ന് പഠന റിപ്പോർട്ട്. കേന്ദ്ര സർക്കാറിനു കീഴിലുളള കാലാവസ്​ഥ-മലിനീകരണ ഗവേഷണ വിഭാഗം നടത്തിയ പഠനത്തിലാണ് ഡൽഹിയിൽ അന്തരീക്ഷ മലിനീകരണം കൂടുതലെന്ന് കണ്ടെത്തിയത്. 

സഫർ എന്ന ടീമാണ് നാലു പ്രധാന നഗരങ്ങളിൽ പഠനം നടത്തിയത്. പഞ്ചാബ്​, ഹരിയാന സംസ്​ഥാനങ്ങളിലെ കർഷകർ പാടങ്ങളിൽ ​നെൽകറ്റകൾ കത്തിക്കുന്നതാണ്​ ​മലിനീകരണ തോത് ​ഉയരാൻ കാരണമായതെന്നും പഠനം ചൂണ്ടിക്കാട്ടുന്നു. ശുദ്ധവായുവി​​െൻറ കുറവ്​ ഡൽഹിയിലെ താപനിലയിലും മാറ്റങ്ങളുണ്ടാക്കിയിട്ടുണ്ട്. കഴിഞ്ഞ ദീപാവലിയിലും ഡൽഹിയിൽ പുകമഞ്ഞ്​ ശക്​തമായിരുന്നു. 

അതിനിടെ ഡൽഹിയിലും സമീപ പ്രദേശങ്ങളിലും പടക്കങ്ങൾ വിൽക്കുന്നത്​ താൽകാലികമായി​ നിരോധിക്കാൻ സുപ്രീംകോടതി ഉത്തരവിട്ടു. ജസ്​റ്റിസ്​ എ.​കെ. സിക്രി അധ്യക്ഷനായുള്ള രണ്ടംഗ ബെഞ്ചാണ്​ ഉത്തരവിട്ടത്​. നവംബർ ഒന്ന്​ വരെയാണ്​ നിരോധനം പ്രാബല്യത്തിലുള്ളത്. 

ദീപാവലി ആ​േഘാഷങ്ങൾക്കായി പൊട്ടിക്കുന്ന പടക്കങ്ങളുടെ പുക അന്തരീഷ​ം മലിനപ്പെടുത്തുന്നത്​ വഴി ഡൽഹിയിൽ കൂടുതൽ പ്രതിസന്ധി ഉണ്ടാക്കാമെന്ന കാരണത്താലാണ് കോടതിയുടെ പുതിയ ഉത്തരവ്.