ഡൽഹിയിൽ ബുധനാഴ്​ച മരിച്ച മാധ്യമപ്രവർത്തകന്​ കോവിഡ്​ 

ന്യൂഡൽഹി: ഡൽഹിയിൽ മാധ്യമപ്രവർത്തകൻ കോവിഡ്​ ബാധിച്ച്​ മരിച്ചു. ഡി.ഡി ന്യൂസ്​ കാമറാമാൻ യോഗേഷ്​ ആണ്​ മരിച്ചത്​. ബുധനാഴ്​ചയാണ്​ ഹൃദയാഘാതത്തെ തുടർന്ന്​ യോഗേഷ്​ മരിച്ചത്​. ​തുടർന്ന്​ നടത്തിയ കോവിഡ്​ പരിശോധനയിൽ വ്യാഴാഴ്​ച രോഗം സ്​ഥിരീകരിക്കുകയായിരുന്നു. മഹാനഗരങ്ങളിലെ 100ൽ അധികം മാധ്യമ ​പ്രവർത്തകർക്ക്​ കോവിഡ്​ സ്​ഥിരീകരിച്ചിരുന്നു. 

വ്യാഴാഴ്​ച തമിഴ്​നാട്ടിലെ പ്രധാന പത്രങ്ങളിലൊന്നായ ‘ഡെയ്​ലി തന്തി’യിലെ സബ്​ എഡിറ്റർമാരും റിപ്പോർട്ടർമാരും ഉൾപ്പെടെ 33 ജീവനക്കാർക്ക്​ കോവിഡ്​ സ്​ഥീരീകരിച്ചിരുന്നു. രോഗം സ്​ഥിരീകരിച്ചവരെ​െയല്ലാം ചെന്നൈയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇവിടെ ആദ്യം രോഗം സ്​ഥിരീകരിച്ചത്​ സൂപ്പർവൈസർക്കായിരുന്നു. പിന്നീട്​ ഇയാളുമായി അടുത്തിടപഴകിയവരെ പരിശോധനക്ക്​ വിധേയമാക്കുകയായിരുന്നു. 

​ഒരുമാസം മുമ്പ്​ സത്യം ടി.വിയിലെ റിപ്പോർട്ടർക്കും കാമറമാനും കോവിഡ്​ സ്​ഥിരീകരിച്ചിരുന്നു. കൂടാതെ മറ്റൊരു ടി.വി ചാനലിലെ 32 പേർക്കും കോവിഡ്​ സ്​ഥിരീകരിച്ചു.