കലാപകാരികൾ ചു​െട്ടരിച്ചത്​ 3000 കുട്ടികളുടെ സ്വപ്​നങ്ങളും

ന്യൂഡൽഹി: എരിഞ്ഞുതീർന്ന ക്ലാസ്​മുറികൾ, ചാരമായ പുസ്​തകങ്ങൾ, ചിതറിത്തെറിച്ച ഫയലുകൾ എന്നിവ മാത്രമാണിനി വടക്കുക ിഴക്കൻ ഡൽഹിയിലെ അരുൺ സീനിയർ സെക്കൻഡറി സ്​കൂളിൽ ബാക്കി. മൂവായിരം കുട്ടികൾ പഠിക്കുന്ന സ്​കൂളാണ്​ കലാപകാരികൾ ചു ​െട്ടരിച്ചത്​. പരീക്ഷ കഴിഞ്ഞ്​ കുട്ടികളെല്ലാം വീട്ടിലേക്കുപോയതിനാൽ വൻ ദുരന്തം ഒഴിവായി.

വൈകിട്ട്​ നാലുമണിക്ക്​ സ്​കൂളില േക്ക്​​ തീ പടർന്നപ്പോൾ തന്നെ അഗ്​നിശമന സേനയെ അറിയിച്ചിരുന്നു. എന്നാൽ അവരെത്തിയത്​ രാത്രി എട്ടുമണിക്കും. നാല ുമണിക്കൂറിനുള്ളിൽ ക്ലാസ്​ മുറികളും പഠന സാമഗ്രികളും കത്തിയെരിഞ്ഞു.

മു​ന്നൂറോളം കലാപകാരികളാണ്​ സ്​കൂൾ വളഞ്ഞത്​. ജീവഭയത്താൽ വാച്ച്​മാൻ​ പിറകിലെ ഗേറ്റ്​ വഴി ഒാടിയൊളിച്ചു. പിന്നീട്​ സ്​കൂളിൽ തീ പടരുന്നതാണ്​ എല്ലാവരും കണ്ടത്​ -അരുൺ മോഡേൺ സീനിയർ സെക്കൻഡറി സ്​കൂളിലെ ജീവനക്കാരി നീതു ചൗധരി എൻ.ഡി.ടി.വിയോട്​ പറഞ്ഞു.

സംഭവം നടന്ന്​ മിനിട്ടുകൾക്കകം പൊലീസിനെയും അഗ്​നിശമന സേനയെയും വിവരം അറിയി​ച്ചെങ്കിലും നാലുമണിക്കൂർ കഴിഞ്ഞാണ്​ അവർ എത്തിയ​െതന്നും അതിനുള്ളിൽ എല്ലാം കത്തിയെരിഞ്ഞെന്നും നീതു കൂട്ടിച്ചേർത്തു.

കൂട്ടമായെത്തിയ അക്രമികൾ അധ്യാപകരുടെ മുറി​യിലെത്തി ഫയലുകളും പുസ്​തകങ്ങളുമെല്ലാം വലിച്ചുവാരിയിട്ടു. പിന്നീടാണ്​ തീ കൊളുത്തിയത്​. എരിയാതെ ബാക്കിയായവ ശേഖരിക്കുകയാണിപ്പോൾ അധ്യാപകരും ജീവനക്കാരും.

സ്​കൂളിൽ നിർത്തിയിട്ടിരുന്ന ബസും കത്തിച്ചു. കമ്പ്യൂട്ടർ മുറി​യി​​െലത്തി മോണിറ്ററും സി.പി.യുവുമെല്ലാം കൂട്ടിയിട്ട്​ കത്തിച്ചു. കാൻറീനിലെ തറയിൽ ഉരുളകിഴക്ക്​ ചിപ്​സി​​െൻറ പാക്കറ്റ്​ മാത്രമായിരുന്നു ബാക്കി. 3000 കുട്ടികളുടെ ഭാവിയെ ഒാർത്ത്​ സങ്കട​െപ്പടുകയാണ് ഇപ്പോൾ​ അധ്യാപകരും രക്ഷിതാക്കളും.