പലായനത്തിനുപോലുമാകാതെ, പ്രിയപ്പെട്ടവർക്കായി കാത്തിരിപ്പ്​

ന്യൂഡൽഹി: പ്രിയപ്പെട്ടവരുടെ മര​ണത്തേക്കാളേറെ സങ്കടകരമാണ്​ ജീവിച്ചിരിപ്പുണ്ടോ ഇല്ലയോ എന്നറിയാത്ത കാത്തി രിപ്പ്​്​. ബന്ധുക്കളുടെ കൈപിടിച്ച്​ കൈയിൽ തടഞ്ഞതെല്ലാം ഭാണ്ഡത്തിലാക്കി ഡൽഹിയിൽ നിന്നും കൂട്ടപലായനം തുടരു​േ മ്പാഴും അതിനുമാകാതെ പ്രിയപ്പെട്ടവരെ കാത്തിരിക്കുകയാണ്​ നിരവധിപേർ.

ഡൽഹിയിൽ നടന്ന ആക്രമണത്തിനിടെ തിങ്കളാ ഴ്​ച പരീക്ഷ എഴുതാനായി സ്​കൂളിലേക്കുപോയ 13 കാരിയെ​ കാണാതായി ദിവസങ്ങളായിട്ടും യാതൊരു വിവരവുമില്ല. സോണിയ വിഹാ ർ നഗരപരിസരത്താണ്​ എട്ടാം ക്ലാസുകാരിയും മാതാപിതാക്കളും താമസിക്കുന്നത്​. വീട്ടിൽ നിന്നും നാലര കിലോമീറ്റർ അകല െയാണ്​ സ്​കൂൾ. തിങ്കളാഴ്​ച രാവിലെ പരീക്ഷ എഴുതാൻ സ്​കൂളിലേക്ക്​ പോയ കുട്ടി ഇതുവരെ തിരിച്ചെത്തിയിട്ടില്ല.

< br />

റെഡിമെയ്​ഡ്​ ഗാർമ​െൻറ്​സ്​ കടയിൽ ജോലി ചെയ്യുകയാണ്​ കുട്ടിയുടെ പിതാവ്​. വൈകുന്നേരം 5.20ന്​ പിതാവ്​ കുട്ടി​യെ വീട്ടിലേക്ക്​ കൂട്ടികൊണ്ടുവരാൻ ​േ​പാകാറുണ്ട്​. എന്നാൽ തിങ്കളാഴ്​ച അക്രമങ്ങൾക്കിടയിൽ നിന്നും സ്​കൂളിലെത്താൻ പിതാവിന്​ കഴിഞ്ഞില്ല. സ്​കൂളിൽനിന്നും കുട്ടി വീട്ടിൽ എത്തിയുമില്ല - പിതാവ്​ പറഞ്ഞതായി പി.ടി​.​െഎ റിപ്പോർട്ട്​ ചെയ്​തു.

കുട്ടിയെ കാണാതായതിനെ തുടർന്ന്​ പിതാവ്​ പൊലീസിൽ പരാതി നൽകി. എഫ്​.​െഎ.ആർ രജിസ്​റ്റർ ചെയ്​ത്​ ​അന്വേഷണം ആരംഭിച്ചിട്ടുണ്ട്​.
മറ്റൊരു സംഭവം മൗജ്​പൂരി​െല വിജയ്​പാർക്കിലാണ്​. പ്രക്ഷോഭത്തിനിടെ ശിവവിഹാറിൽ കുടുങ്ങിയ മകനെ കാത്തിരിക്കുകയാണ്​ രക്ഷിതാക്കളും സഹോദരങ്ങളും. മദീന പള്ളിയുടെ സമീപം ശിവവിഹാറിലാണ്​ മുഹമ്മദ്​ സാബിറി​​െൻറ രണ്ടു മക്കൾ താമസിച്ചിരുന്നത്​. മറ്റു രണ്ടുമക്കൾ വിജയ്​ പാർക്കിൽ അദ്ദേഹത്തിനൊപ്പവും. എന്നാൽ അക്രമം തുടങ്ങിയതിന്​ ശേഷം മക്കളുമായി ബന്ധപ്പെടാൻ ഇൗ 70കാരന്​ കഴിഞ്ഞിട്ടില്ല. വീട്ടിൽ കുടുങ്ങി കിടക്കുന്നുണ്ടെന്നാണ്​ സാബിർ പറയുന്നത്​.

തിങ്കളാഴ്​ച മക്കളുടെ വീടുകൾ അക്രമികൾ വളഞ്ഞിരുന്നു. അവിടെനിന്നും കഷ്​ടിച്ച്​ രക്ഷപ്പെട്ടതായും അറിയാൻ കഴിഞ്ഞു. എന്നാൽ പിന്നീട്​ അവർ എവിടേക്ക്​ പോയെന്നോ എന്തു സംഭവിച്ചെന്നോ ഇൗ വയോധികന്​ അറിയാൻ കഴിഞ്ഞിട്ടില്ല. ​ഇതുപോലെ നിരവധി പേരാണ്​ മാതാപിതാക്കളെയും സഹോദരങ്ങളെയും മക്കളെയും കാത്ത്​ എവിടേക്കും മാറിത്താമസിക്കാനാകാതെ ഡൽഹിയിൽ കണ്ണീരുമായി കാത്തിരിക്കുന്നതെന്ന്​ പറയുന്നു.

മുപ്പതിലധികംപേർ ഡൽഹിയി​ലുണ്ടായ സംഘ്​പരിവാർ ആക്രമണത്തിൽ ഇ​തിനോടകം കൊല്ലപ്പെട്ടു. 200 ഒാളം പേർക്ക്​ പരിക്കേൽക്കുകയും ചെയ്​തു. മൗജ്​പൂർ, ജാഫറാബാദ്​, ബബർപൂർ, യമുന വിഹാർ, ശിവ വിഹാർ, ഭജൻപുര, ചാന്ദ്​ ബാഗ്​, ഗോണ്ട എന്നിവിടങ്ങളിലായിരുന്നു കലാപം രൂക്ഷമായിരുന്നത്​. ഇവിടെ നിരവധി വീടുകളും കടകളും പെട്രോൾ പമ്പുകളും തീവെച്ച്​ നശിപ്പിച്ചിട്ടുണ്ട്​.