Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഅശ്ലീലത പങ്കുവെക്കാൻ...

അശ്ലീലത പങ്കുവെക്കാൻ ഇൻസ്​റ്റാ ഗ്രൂപ്പ്​: 26 സ്​കൂൾ വിദ്യാർഥികൾക്കെതിരെ ഡൽഹി പൊലീസ്​

text_fields
bookmark_border
അശ്ലീലത പങ്കുവെക്കാൻ ഇൻസ്​റ്റാ ഗ്രൂപ്പ്​: 26 സ്​കൂൾ വിദ്യാർഥികൾക്കെതിരെ ഡൽഹി പൊലീസ്​
cancel

ന്യൂഡൽഹി: അശ്ലീല ഉള്ളടക്കമുള്ള ഇൻസ്​റ്റഗ്രാം ഗ്രൂപ്പിൽ അംഗങ്ങളായ 26 സ്​കൂൾ വിദ്യാർഥികൾക്കെതിരെ നടപടി തുടങ്ങി ഡൽഹി പൊലീസ്​. ഒരു പതിനഞ്ച്​ വയസുകാരനെ ചൊവ്വാഴ്​ച കസ്​റ്റഡിയിലെടുത്തു. ദക്ഷിണ ഡൽഹിയിലെ പ്രമുഖ സ്​കൂളുകളിൽ 10ലും 12 ലും പഠിക്കുന്ന 50 ഒാളം വിദ്യാർഥികളാണ്​ ‘ബോയിസ്​ലോക്കർ റൂം’ എന്ന അശ്ലീല ഗ്രൂപ്പിൽ അംഗങ്ങളായിരുന്നതെന്ന്​ പൊലീസ്​ പറഞ്ഞു. ഇതിൽ 26 കുട്ടികളെയാണ്​ പൊലീസ്​ തിരിച്ചറിഞ്ഞിട്ടുള്ളത്​. 

അവിചാരിതമായി ഇൗ ഗ്രൂപ്പിൽ അംഗമായ ഒരു പെൺകുട്ടി പുറത്ത്​വിട്ട സ്​ക്രീൻ ഷോട്ടുകളിലൂടെയാണ്​ അപകടകരമായ ഉള്ളടക്കം സംബന്ധിച്ച്​ വിവരം മറ്റുള്ളവരറിയുന്നത്​. ബലാത്സംഗത്തെ കുറിച്ചും സഹപാഠിയെ കൂട്ടബലാത്സംഗം ചെയ്യുന്നതിനെ കുറിച്ചുമൊക്കെയാണ്​ ഗ്രൂപ്പിൽ ചർച്ചകൾ നടക്കുന്നത്​. സഹപാഠികളുടെ അശ്ലീല ചിത്രങ്ങളും ഗ്രൂപ്പിൽ പങ്കുവെച്ചിരുന്നു. 

സംഭവത്തിൽ സ്വമേധയാ കേസെടുത്ത സൈബർ പൊലീസ്​ ഒരു പതിനഞ്ച് വയസുകാരനെ ചോദ്യം ചെയ്​തതിൽ നിന്നാണ്​ 26 പേരെ തിരിച്ചറിഞ്ഞത്​. അതിൽ മൂന്നാളുകളോട്​ ചോദ്യചെയ്യലിന്​ ഹാജരാകാൻ പൊലീസ്​ ആവശ്യപ്പെട്ടിട്ടുണ്ട്​. ആദ്യം കസ്​റ്റഡിയിലെടുത്ത 15 വയസുകാരനെ ദുർഗുണ പരിഹാര കേന്ദ്രത്തിലാക്കി. ​ ഐ.പി അഡ്രസ്​ മനസിലാക്കിയാണ്​ പൊലീസ്​ ഇൗ വിദ്യാർഥിയെ കസ്റ്റഡി​യിലെടുത്തത്​. കുട്ടിയുടെ രക്ഷിതാക്കൾക്ക്​ ഇൗ ​ഗ്രൂപ്പ്​ സംബന്ധിച്ച്​ അറിയുമായിരുന്നില്ല. പൊലീസ്​ ചോദ്യം ചെയ്യാൻ വിളിപ്പിക്കു​മ്പോഴാണ്​ അവർ കാര്യങ്ങളറിയുന്നത്​. 

ഇൗ ​ഗ്രൂപ്പ്​ ഏ​പ്രിലിലാണ്​ ഉണ്ടാക്കിയതെന്ന്​ പൊലീസ്​ പറയുന്നു. ഗ്രൂപ്പിലെ അംഗങ്ങളായ വിദ്യാർഥികൾ വ്യത്യസ്​ത സ്​കൂളുകളിൽ നിന്നുള്ളവരാണ്​. ട്യൂഷൻ സ​െൻററുകൾ, പരിശീലന കേന്ദ്രങ്ങൾ, സ്​പോർട്​സ്​ മത്സരങ്ങൾ തുടങ്ങിയവയിലൂടെ പരസ്​പരം ബന്ധമുള്ളവരാണ്​ ഗ്രൂപ്പ്​ അംഗങ്ങൾ. ഗ്രൂപ്പി​ന്റെ അഡ്​മിൻ ആരാണെന്ന്​ തിരിച്ചറിയാനായിട്ടില്ല. ഗ്രൂപ്പംഗങ്ങൾ ഉപയോഗിച്ച ​ ഐ.പി അഡ്രസുകൾ അറിയാൻ ഇൻസ്​റ്റഗ്രാമുമായി പൊലീസ്​ ബന്ധ​പ്പെട്ടിട്ടുണ്ട്​. 

സംഭവം വിവാദമായതോടെ കുട്ടികൾ വിശദാംശങ്ങൾ തങ്ങളുടെ മൊബൈലുകളിൽ നിന്ന്​ നീക്കിയതായാണ്​ പൊലീസ്​ കരുതുന്നത്​. ​ ഐ.പി അഡ്രസുകൾ ലഭിച്ച ഉടനെ എല്ലാവരെയും ചോദ്യം ചെയ്യുമെന്ന്​ പൊലീസ്​ പറയുന്നു. 

ഇതേ ഉള്ളടക്കമുള്ള വേറെയും ഇൻസ്​റ്റ ഗ്രൂപ്പുകളുള്ളതായി കണ്ടെത്തിയിട്ടുണ്ടെന്ന്​ പൊലീസ്​ പറയുന്നു. ഇപ്പോൾ തിരിച്ചറിഞ്ഞ കുട്ടികൾക്ക്​ മറ്റു ഗ്രൂപ്പുകളുമായി ബന്ധമുണ്ടോ എന്നും പൊലീസ്​ പരിശോധിക്കുന്നുണ്ട്​. 

പൊലീസ്​ കേസെടുത്തതിന്​ ശേഷം ഒരു സ്വകാര്യ സ്​കൂൾ മാനേജ്​മ​െൻറും ഒരു പെൺകുട്ടിയുടെ രക്ഷിതാവും പരാതിയുമായി പൊലീസിനെ സമീപിച്ചിട്ടുണ്ട്​. പെൺകുട്ടിയുടെ ചിത്രങ്ങൾ ഗ്രൂപ്പിൽ പങ്കുവെച്ചു എന്നാണ്​ പരാതി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime Newscyber crimemalayalam newsindia newsobsceneBois Locker RoomBois Locker Room case
News Summary - Delhi Police to question 26 boys in ‘Bois Locker Room’ case
Next Story