Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഫാബിഫ്ലു വിതരണം: ഡൽഹി...

ഫാബിഫ്ലു വിതരണം: ഡൽഹി പൊലീസ്​ ബി.ജെ.പി എം.പി ഗൗതം ഗംഭീറിൽ നിന്ന്​ വിശദീകരണം തേടി

text_fields
bookmark_border
Gautam gambir
cancel

ന്യൂഡൽഹി: കോവിഡ്​ ചികിത്സക്കായി നൽകുന്ന ആൻറി വൈറൽ മരുന്നായ ഫാബിഫ്ലു വിതരണം ചെയ്തത്​ സംബന്ധിച്ച്​ കിഴക്കൻ ഡൽഹിയിലെ ബി.ജെ.പി​ എം.പിയും മുൻ ഇന്ത്യൻ ക്രിക്കറ്റ്​ താരവുമായ ഗൗതം ഗംഭീറിൽനിന്ന്​ ഡൽഹി പൊലീസ്​ വിശദീകരണം തേടി. ഗൗതം ഗംഭീറിന്‍റെ ഓഫിസിൽ നിന്ന്​ ധാരാളമായി ഫാബിഫ്ലു വിതരണം ചെയ്യുന്നത്​ ശ്രദ്ധയിൽപ്പെട്ടതിനെ തുടർന്നാണ്​ നടപടി. 'എല്ലാ വിവരങ്ങളും കൈമാറിയിട്ടുണ്ട്​. എനിക്ക്​ സാധ്യമായ വഴികളിലൂടെയെല്ലാം ഡൽഹിയെയും അവിടുത്തെ ജനങ്ങളെയും സേവിക്കും' -ഗൗതം ഗംഭീർ പിന്നീട് മാധ്യമങ്ങളോട്​ പറഞ്ഞു.

രാവിലെ യൂത്ത്​ കോൺഗ്രസ്​ ദേശീയ പ്രസിഡന്‍റ്​ ബി.വി. ശ്രീനിവാസിനെ ഡൽഹി പൊലീസ്​ ക്രൈംബ്രാഞ്ച്​ ചോദ്യം ചെയ്​തിരുന്നു. ശ്രീനിവാസിന്‍റെ നേതൃത്വത്തിൽ നടക്കുന്ന കോവിഡ്​ പ്രതിരോധ പ്രവർത്തനങ്ങളുടെ സോഴ്​സ്​ അറിയുന്നതിന്​ വേണ്ടിയായിരുന്നു ഇത്​. സംഭവത്തിൽ വൻ പ്രതിഷേധം കോൺഗ്രസ്​ ഉയർത്തിയിരുന്നു. ദുരിതാശ്വാസ സാമഗ്രികൾ വിതരണം ചെയ്​തതിന്​ ബി​.ജെ.പി വക്​താവ്​ ഹരീഷ്​ ഖുറാനയെയും ഡൽഹി പോലീസ്​ ചോദ്യം ചെയ്​തിരുന്നു.

'ഇതൊരു സാധാരണ നടപടിക്രമം മാത്രമാണെന്നും പ്രതിപക്ഷം അനാവശ്യമായ വിവാദങ്ങൾ ഉയർത്തുകയാണെന്നും ഗൗതം ഗംഭീർ പ്രതികരിച്ചു. വിപണിയിൽ ദൗർലഭ്യമുള്ള ഫാബിഫ്ലു പുസ റോഡിലെ ഗൗതം ഗംഭീറിന്‍റെ ഓഫിസിൽ നിന്ന്​ രാവിലെ 10 മുതൽ വൈകീട്ട്​ നാല്​ വരെയാണ്​ വിതരണം ചെയ്​തിരുന്നത്​. ഇതിനെ കോൺ​ഗ്രസ്​ നേതാവ്​ പവൻ ഖേരയും ആം ആദ്​മി പാർട്ടി നേതാവ്​ ദുർകേഷ്​ പഥക്കും ചോദ്യം ചെയ്​തിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Gautam GambhirFabiflucovid medicine shortage
News Summary - Delhi Police asks BJP MP Gautam Gambhir to explain distribution of Fabiflu
Next Story