കോവിഡ്​: ഡൽഹിയിൽ മൂന്നിൽ ഒരു സാമ്പിൾ പോസിറ്റീവ്​

ന്യൂഡൽഹി: ഏഴുദിവസത്തിനിടെ ഡൽഹിയിൽ കോവിഡ്​ സംശയത്തെ തുടർന്ന്​ പരിശോധനക്ക്​ അയച്ച മൂന്നിലൊന്ന്​ സാമ്പിൾ പോസിറ്റീവാകുന്നു​. ഞായറാഴ്​ച പരിശോധിച്ച 7,353 സാമ്പിളുകളിൽ 2,224 സാമ്പിളുകൾ പോസിറ്റീവായി. ഇതോടെ പരിശോധിക്കുന്ന സാമ്പിളുകളിൽ 30.24 ശതമാനവും പോസിറ്റീവാകാനുള്ള സാധ്യത ഉയർന്നു.

ഡൽഹിയിൽ ഇത​ുവരെ 2,90,592 സാമ്പിളുകളാണ്​ പരിശോധിച്ചത്​. ആരോഗ്യ മന്ത്രാലയത്തിൻെറ കണക്കുപ്രകാരം സംസ്​ഥാനത്ത്​ ഇതുവരെ 41,182 പേർക്ക്​ കോവിഡ്​ സ്​ഥിരീകരിച്ചു.
കഴിഞ്ഞ 24 മണിക്കൂറിനിടെ 56 മരണം സ്​ഥിരീകരിക്കുകയും 878 പേർ രോഗമുക്തി നേടുകയും ചെയ്​തു. ഇതുവരെ 1327 പേരാണ്​ മരിച്ചത്​. 15,823 പേർ രോഗമുക്തി നേടുകയും ചെയ്​തു. 

24,032 പേരാണ്​ ഡൽഹിയിൽ നിലവിൽ ചികിത്സയിലുള്ളത്​. ഞായറാഴ്​ച 598 പേരെ ആശുപത്രിയിൽ പ്രവേശിപ്പിച്ചു. 362 പേർ രോഗമുക്തി നേടി ആശുപത്രി വിട്ടു. 695 പേർ അത്യാഹിത വിഭാഗത്തിലും 182 പേർ വ​െൻറിലേറ്ററിലും ചികിത്സയിലുണ്ട്​. രാജ്യതലസ്​ഥാനത്ത്​ 222 കണ്ടെയ്​മ​െൻറ്​ സോണുകളാണുള്ളത്​.

രോഗബാധിതരുടെ എണ്ണം കൂടുന്ന സാഹചര്യത്തിൽ കേന്ദ്ര ആഭ്യന്തരമന്ത്രി അമിത്​ ഷായും ഡൽഹി മുഖ്യമന്ത്രി അരവിന്ദ്​ കെജ്​രിവാളും കഴിഞ്ഞദിവസം ചർച്ച നടത്തിയിരുന്നു. ഹോട്ടലുകളിലും നഴ്​സിങ്​ ഹോമുകളിലും ഓഡിറ്റോറിയങ്ങളിലും കൂടുതൽ കിടക്ക സൗകര്യം ഒരുക്കാനും പരിശോധനകളുടെ എണ്ണം വർധിപ്പിക്കാനും തീരുമാനിച്ചു. കൂടാതെ 500 ട്രെയിൻ കോച്ചുകളിലും ഐസൊ​േലഷൻ സൗകര്യം ഒരുക്കും.