കോഴിക്കോട്​ നിന്ന്​ തബ്​ലീഗ്​ സംഗമത്തിൽ പ​ങ്കെടുത്ത അഞ്ച്​ പേരുടെ ഫലം നെഗറ്റീവ്​

കോഴിക്കോട്​: ഡൽഹിയിലെ നിസാമുദ്ദീനിൽ നടന്ന തബ്​ലീഗ്​ സംഗമത്തിൽ പ​ങ്കെടുത്ത കോഴിക്കോട്​ സ്വദേശികളുടെ സാ മ്പ്​ൾ പരിശോധിച്ചതിൽ അഞ്ച്​ പേരുടെ പരിശോധന ഫലം നെഗറ്റീവ്​ ആണെന്ന്​ കണ്ടെത്തി.

കോഴിക്കോട്​ നിന്ന്​ 14 പേർ സംഗമത്തിൽ പ​ങ്കെടുത്തതായാണ്​ കണ്ടെത്തിയിരുന്നത്​. ഇവരെ കണ്ടെത്തി വീടുകളിൽ നിരീക്ഷണത്തിലാക്കുകയായിരുന്നു.

ഇതിൽ 13 പേരുടെ സാമ്പ്​ളുകളാണ്​ പരിശോധനക്കയച്ചത്​. അതിൽ അഞ്ച്​ പേരുടെ പരിശോധന ഫലങ്ങളാണ്​ നെഗറ്റീവ്​ ആണെന്ന്​ കണ്ടെത്തിയത്​. ഇനി എട്ട്​ പേരുടെ ഫലങ്ങൾ കൂടി വരാനുണ്ട്​.