ഡൽഹിയിലെ കൂട്ട മരണത്തിന്​ പിന്നിൽ മന്ത്രവാദമോ ?

ന്യൂഡൽഹി: വടക്കൻ ഡൽഹിയിലെ ബുറാരിയിൽ ഒരു കുടുംബത്തിലെ 11 പേരെ വീട്ടിനകത്ത്​ മരിച്ച നിലയിൽ കണ്ടെത്തിയ സംഭവത്തിൽ ദുരൂഹതയേറുന്നു. വീട്ടിനകത്ത്​ നിന്ന്​ ലഭിച്ച കൈപ്പടയിലെഴുതിയ ചില കുറിപ്പുകളാണ്​​ പൊലീസ്​ അന്വേഷണത്തിൽ ​പുതിയ വഴിത്തിരിവ്​ സൃഷ്​ടിച്ചത്​. കുറിപ്പിൽ പറയുന്ന കാര്യങ്ങൾ ദുർമന്ത്രവാദത്തെ സൂചിപ്പിക്കുന്നതാണെന്നാണ്​ പൊലീസി​​​​​​െൻറ ഭാഷ്യം.

തുടക്കത്തിൽ കൂട്ട ആത്മഹത്യയാണെന്നും പിന്നീട്​ കുടുംബത്തിലെ ഒരംഗം കൂട്ടക്കൊല നടത്തി ആത്മഹത്യ ചെയ്​തതാണെന്നുമായിരുന്നു പൊലീസി​​​​​​െൻറ നിഗമനം. എന്നാൽ വീട്ടിൽ നിന്നും ലഭിച്ച കുറിപ്പിലുള്ള വാചകങ്ങൾ  വിചിത്രമായിരുന്നു. ‘‘ മനുഷ്യ ശരീരം താൽകാലികമാണ്​. കണ്ണും വായും മറച്ച്​ ഒരാൾക്ക്​  ഭയത്തെ അതിജീവിക്കാം’’ ഇതായിരുന്നു ദുരൂഹത ഭാക്കിയാക്കി ആ വാചകങ്ങൾ. ഇത്​ കേസുമായി ബന്ധിപ്പിച്ച്​ അന്വേഷണം കൂടുതൽ സജീവമാക്കിയിരിക്കുകയാണ്​ പൊലീസ്​.

ഭാട്ടിയ കുടുംബത്തിൽ ഒരു കല്യാണം നടക്കാനിരി​ക്കേയാണ്​ ദുരന്തം സംഭവിക്കുന്നത്. ത​േലന്ന്​ രാത്രി വരെ സ​ന്തോഷത്തോടെ കാണപ്പെട്ട കുടംബത്തെ പിറ്റേന്ന്​ കൂട്ട ആത്മഹത്യ ചെയ്​ത നിലയിൽ കാണേണ്ടി വന്നതി​​​​​​െൻറ ഞെട്ടലിലാണ്​ അയൽവാസികൾ. കൊല്ലപ്പെട്ട 11 പേരിൽ പത്തുപേരും തൂങ്ങിയ നിലയിലായിരുന്നു. എന്നാൽ ഒരാളെ മറ്റൊരു മുറിയിൽ കഴുത്ത്​ ഞെരിച്ച്​ കൊല്ലപ്പെട്ട നിലയിൽ കണ്ടെത്തിയത്​ സംശയം ജനിപ്പിച്ചു​. 

എങ്ങനെ മോചനം നേടാം? എന്നുള്ളതായിരുന്നു വീട്ടിൽ നിന്നും ലഭിച്ച കുറിപ്പിലെ വാചകങ്ങൾ അർഥമാക്കുന്നതെന്ന്​​ അന്വേഷണ​ ഉദ്യോഗസ്ഥൻ വ്യക്​തമാക്കി. ‘‘മനുഷ്യ ശരീരം താൽക്കാലികമാണെന്നും എന്നാൽ ആത്മാവിന്​ മരണമില്ലെന്ന സന്ദേശവുമാണ്​​ അത്​ നൽകുന്നതെന്നും ഇത്​ കേസിൽ നിർണായകമാണെന്നും അദ്ദേഹം അറിയിച്ചു.​ 

മരിച്ച 11 പേരിൽ രണ്ട്​ പുരുഷൻമാരും ആറ്​ സ്​ത്രീകളും രണ്ട്​ ആൺകുട്ടികളുമായിരുന്നു ഉണ്ടായിരുന്നത്​. നാരായൺ ദേവി (77) മകൾ പ്രതിഭ (57), ആൺമക്കളായ ഭവ്നേഷ് (50), ലളിത് ഭാട്ടിയ (45), ഭവ്നേഷി​​​​​​െൻറ ഭാര്യ സവിത(48), ഇവരുടെ മൂന്നു മക്കളായ മീനു(23), നിധി(25), ധ്രുവ് (15), ലളിതി​​​​​​െൻറ ഭാര്യ ടിന (42), മകൾ (ശിവം), പ്രതിഭയുടെ മകൾ പ്രിയങ്ക(33) എന്നിവരാണു കൊല്ലപ്പെട്ടത്. എല്ലാവരെയും ബുറാരിയിലുള്ള വീട്ടിനകത്ത്​ കണ്ണും വായും കെട്ടിയിട്ട നിലയിലായിരുന്നു കാണപ്പെട്ടത്​. ചിലരുടെ കയ്യും കാലും കെട്ടിയിട്ട നിലയിലുമായിരുന്നു. ഇതിൽ 77 വയസ്സുള്ള നാരായൺ ​ദേവി മറ്റൊരു മുറിയിൽ ശ്വാസം മുട്ടി മരിച്ച നിലയിലുമായിരുന്നു.