കള്ളനെന്ന്​ സംശയിച്ച്​ ഡൽഹിയിൽ ഒരാളെ തല്ലിക്കൊന്നു

ന്യൂഡൽഹി: കള്ളനെന്ന്​ സംശയിച്ച്​ ഡൽഹിയിൽ ഒരാളെ തല്ലിക്കൊന്നു. വ്യാഴാഴ്​ച രാത്രിയാണ്​ സംഭവം. ഒരു വീടിനകത്തേക്ക്​ കയറാൻ ശ്രമിക്കുന്നത്​ കണ്ടവരാണ്​ ഇയാളെ പിടികൂടി മർദിച്ചത്​.

കള്ളനാണെന്ന്​ കരുതി പിടികൂടി അബോധാവസ്​ഥയിലാകും വരെ ഇയാളെ നാട്ടുകാർ മർദിക്കുകയായിരുന്നുവെന്ന്​ മുതിർന്ന പൊലീസ്​ ഉദ്യോഗസ്​ഥൻ അറിയിച്ചു.

അബോധാവസ്​ഥയിലായ ആളെ ആശുപത്രിയിൽ എത്തിച്ചെങ്കിലും മരിക്കുകയായിരുന്നു. ആളെ തിരിച്ചറിഞ്ഞിട്ടില്ല. സംഭവത്തിൽ ഒരാളെ അറസ്​റ്റ്​ ചെയ്യുകയും ഒരാളെ കസ്​റ്റഡിയിൽ എടുക്കുകയും ചെയ്​തിട്ടുണ്ട്​. അന്വേഷണം ആരംഭിച്ചിട്ടുണ്ട്​.