ഡൽഹി പ്രവാസികളുടെ മടക്കത്തിന്​ കെ.എം.സി.സി ഹൈകോടതിയിൽ 

ന്യൂഡൽഹി: രാജ്യതലസ്ഥാനത്ത് കുടുങ്ങിയ മലയാളികളുടെ തിരിച്ചുവരവിന്​ നടപടി ആവശ്യപ്പെട്ട്​ ഡൽഹി കെ.എം.സി.സി കേരള ഹൈകോടതിയിൽ ഹരജി നൽകി. ഹരജി ഇന്ന്​ പരിഗണിക്കും. കേരള  സർക്കാറി ​െൻറ ഇടപെടൽ ഇല്ലാത്തതാണ്​ മലയാളികളുടെ മടങ്ങിവരവ് അനിശ്ചിതത്വത്തിലാവാൻ  കാരണമെന്ന് കെ.എം.സി.സി കുറ്റപ്പെടുത്തി.

ജാമിഅ, ഡൽഹി യൂനിവേഴ്സിറ്റി, ജെ.എൻ.യു തുടങ്ങിയ  സർവകലാശാലകളിലെ വിദ്യാർഥികളും, ഡൽഹി എയിംസ് അടക്കമുള്ള  സ്ഥാപനങ്ങളിലെ ആരോഗ്യപ്രവർത്തകരും കെ.എം.സി.സി  വൈസ് പ്രസിഡൻറ്​ അജ്മൽ മുഫീദിനോടൊപ്പം കേസിൽ കക്ഷി  ചേരുന്നുണ്ടെന്ന്​ ജനറൽ സെക്രട്ടറി മുഹമ്മദ് ഹലീം അറിയിച്ചു.