ഡൽഹി കിരാരിയിൽ തീപിടിത്തം; ഒമ്പതു മരണം

ന്യൂഡൽഹി: ഡൽഹി കിരാരിയിലുണ്ടായ തീപിടിത്തത്തിൽ മൂന്നു കുട്ടികളടക്കം ഒമ്പതു മരണം. 10 പേർക്ക് പരിക്കേറ്റു. ഇതിൽ രണ്ടു പേരുടെ നിലഗുരുതരം. പരിക്കേറ്റവരെ സഞ്ജയ് ഗാന്ധി മെമ്മോറിയൽ ആശുപത്രിയിൽ പ്രവേശിപ്പിച്ചു.

അർധരാത്രി 12.30തോടെ മൂന്നുനില കെട്ടിടത്തിൽ വസ്ത്രങ്ങൾ സൂക്ഷിച്ചിരുന്ന ഗോഡൗണിലാണ് തീപിടിത്തമുണ്ടായത്. തീ അണക്കാനുള്ള സംവിധാനങ്ങൾ കെട്ടിടത്തിൽ ഇല്ലാത്തത് തീ പടരാൻ ഇടയാക്കി.

ഈ മാസം ആദ്യം ആനങ് മണ്ഡിയിലെ ഫാക്ടറിയിലുണ്ടായ തീപിടിത്തത്തിൽ 43 പേർ മരിച്ചിരുന്നു.