മസ്​തിഷ്​ക ജ്വരം ബാധിച്ച ശിശുവിനെ ചികിൽസിക്കാൻ വിസമ്മതിച്ച്​ ആശുപത്രി

ന്യൂഡൽഹി: മസ്​തിഷ്​ക ജ്വരം ബാധിച്ച്​ അഞ്ച്​ മാസം പ്രായമുള്ള കുട്ടിയെ ചികിൽസിക്കാൻ വിസമ്മതിച്ച്​ ഡൽഹിയിലെ ആശുപത്രി. ഗീതാ കോളനിയിലെ ചാച്ചാ നെഹ്​റു ആശുപത്രിയിൽ ശനിയാഴ്​ചയാണ്​ സംഭവം​​. കിടക്ക ഒഴിവില്ലെന്ന വിശദീകരണമാണ്​ കുട്ടിയുടെ അംഗപരിമിതരായ മാതാപിതാക്കൾക്ക്​ ആശുപത്രി അധികൃതർ നൽകിയത്​.

കുട്ടിക്ക് എകദേശം നാല്​ മണിക്കുർ ചികിൽസ ലഭിക്കാതെ ​ ആശുപത്രിയിൽ തുടരേണ്ടി വന്നു.  ഉന്നത ഇടപെടലിന്​ ശേഷമാണ്​ കുട്ടിയെ​ അഡ്​മിറ്റ്​ ചെയ്യാൻ ആശുപ്രതി അധികൃതർ തയാറായതെന്നാണ്​ റിപ്പോർട്ട്​.