Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപോപുലർ ഫ്രണ്ട്​...

പോപുലർ ഫ്രണ്ട്​ നിരോധനം: ട്രൈബ്യൂണൽ അധ്യക്ഷൻ ജസ്റ്റിസ്​ ദിനേശ്​ കുമാർ ശർമ

text_fields
bookmark_border
പോപുലർ ഫ്രണ്ട്​ നിരോധനം: ട്രൈബ്യൂണൽ അധ്യക്ഷൻ ജസ്റ്റിസ്​ ദിനേശ്​ കുമാർ ശർമ
cancel

ന്യൂഡൽഹി: പോപുലർ ഫ്രണ്ട്​ ഓഫ്​ ഇന്ത്യയുടെയും എട്ടു​ പോഷക സംഘടനകളുടെയും നിരോധന വിഷയം പരിഗണിക്കുന്ന യു.എ.പി.എ ട്രൈബ്യൂണലിനെ ഡൽഹി ഹൈകോടതി ജഡ്ജി ജസ്​റ്റിസ്​ ദിനേശ്​ കുമാർ ശർമ നയിക്കും. സർക്കാറിന്‍റെയും നിരോധിക്കപ്പെട്ട സംഘടനകളുടെയും വാദമുഖങ്ങൾ കേട്ട്​ അഞ്ചു വർഷ നിരോധനം സ്ഥിരപ്പെടുത്തണമോ വേണ്ടയോ എന്ന്​ തീർപ്പുകൽപിക്കുന്നത്​ ട്രൈബ്യൂണലാണ്​.

ഡൽഹി ഹൈകോടതി ചീഫ്​ ജസ്റ്റിസ്​ എസ്​.സി. ശർമയാണ്​ ജസ്റ്റിസ്​ ദിനേശ്​ കുമാർ ശർമയെ നാമനിർദേശം ചെയ്തത്​. ഇത്​ അംഗീകരിച്ച്​ നിയമ-നീതിന്യായ മന്ത്രാലയം തിങ്കളാഴ്ച ഓഫിസ്​ മെമോറാണ്ടം പുറത്തിറക്കി. ഇനി ട്രൈബ്യൂണൽ അധ്യക്ഷന്‍റെ നിയമനം സംബന്ധിച്ച്​ ആഭ്യന്തര മന്ത്രാലയം വിജ്ഞാപനം ഇറക്കും.

പോപുലർ ഫ്രണ്ട്​ ഓഫ്​ ഇന്ത്യ, റിഹാബ്​ ഇന്ത്യ ഫൗണ്ടേഷൻ, കാമ്പസ്​ ഫ്രണ്ട്​ ഓഫ്​ ഇന്ത്യ, ഓൾ ഇന്ത്യ ഇമാംസ്​ കൗൺസിൽ, നാഷനൽ കോൺഫെഡറേഷൻ ഓഫ്​ ഹ്യൂമൻ റൈറ്റ്​സ്​ ഓർഗനൈസേഷൻ, നാഷനൽ വിമൻസ്​ ഫ്രണ്ട്​, ജൂനിയർ ഫ്രണ്ട്​, എംപവർ ഇന്ത്യ ഫൗണ്ടേഷൻ, റിഹാബ്​ ഫൗണ്ടേഷൻ കേരള എന്നിവയാണ്​ കഴിഞ്ഞ 28ന്​ നിരോധിക്കപ്പെട്ടത്​.

Show Full Article
TAGS:Dinesh Kumar Sharma Popular Front Ban Popular Front Popular Front of india 
News Summary - Delhi High Court Judge Dinesh Kumar Sharma To Head Tribunal On Popular Front Ban
Next Story