നജീബ്​ തിരോധാനം: കേസ്​ ഡൽഹി ഹൈകോടതി സി.ബി.​െഎക്ക്​ കൈമാറി

ന്യൂഡൽഹി: : എ.ബി.വി.പി പ്രവർത്തകരുടെ മർദനമേറ്റ ശേഷം ദുരൂഹ സാഹചര്യത്തിൽ ജവഹർലാൽ നെഹ്​റു സർവകലാശാല വിദ്യാർഥി നജീബ്​ അഹമ്മദി​​​െൻറ തിരോധാനം ഇനി സി.ബി.​െഎ അന്വേഷിക്കും. കേസിൽ നടന്നിരുന്ന ക്രൈംബ്രാഞ്ച്​ അന്വേഷണം സി.ബി.​െഎക്ക്​ കൈമാറാൻ ഡൽഹി ഹൈകോടതി ഉത്തരവിട്ടു.
നജീബ്​ അഹമ്മദി​​​െൻറ മാതാവ്​ ഫാത്തിമാ നഫീസ് നൽകിയ ഹരജിയിലാണ്​ ജസ്​റ്റിസ്​ ജി.എസ്​ സിസ്റ്റനി, രേഖ പള്ളി എന്നിവരടങ്ങിയ ബെഞ്ച്​  കേസ്​ സി.ബി.​െഎക്ക്​ കൈമാറാൻ ഉത്തരവിട്ടത്​.  ഡി.​െഎ.ജി റാങ്കിൽ താഴാത്ത ഉദ്യോഗസ്ഥ​​​െൻറ മേൽ​നോട്ടത്തിലാണ്​ അന്വേഷണം നടത്തേണ്ടതെന്നും കോടതി വ്യകതമാക്കി.
കേസ്​ സി.ബി.​െഎക്ക്​ കൈമാറുന്നതിൽ പ്രശ്​നങ്ങളി​െല്ലന്ന്​ ഡൽഹി പൊലീസ്​ കോടതിയെ അറിയിച്ചിരുന്നു.

കഴിഞ്ഞ വർഷം ഒക്​ടോബർ 15 മുതലാണ്​ നജീബിനെ ജെ.എൻ.യു കാമ്പസിൽ നിന്നും കാണാതായത്​. ഹോസ്​ററൽ തെരഞ്ഞെടുപ്പുമായി ബന്ധപ്പെട്ട്​ എ.വി.ബി.പി പ്രവർത്തകർ നജീബിനെ സംഘം ചേർന്ന്​ മർദിച്ചിരുന്നു. തുടർന്നാണ്​ നജീബിനെ കാണാതായത്​. പൊലീസും ക്രൈംബ്രാഞ്ചും അന്വേഷണം ഉൗർജിതമാക്കിയെങ്കിലും ഇതുവരെ നജീബിനെ ക​െണ്ടത്താനായിട്ടില്ല.