നാഷനൽ ഹെറാൾഡ്​ കേസ്​: സോണിയക്കും രാഹുലിനും നോട്ടീസ്​

ന്യൂഡൽഹി: നാഷനൽ ഹെറാൾഡ്​ കേസിൽ കോൺഗ്രസ്​ അധ്യക്ഷ സോണിയ ഗാന്ധിയും രാഹുൽ ഗാന്ധിയും ഉൾപ്പെടെയുള്ളവർക്ക്​ ഡൽഹി ഹൈകോടതി നോട്ടീസ്​. ബി.ജെ.പി എം.പി സുബ്രമണ്യൻ സ്വാമി നൽകിയ ഹരജിയിലാണ്​ നടപടി. എ.ഐ.സി.സി ജനറൽ സെക്രട്ടറി ഓസ്​കർ ഫെർണാണ്ടസ്​, സുമൻ ദുബേ, സാം പി​േത്രാഡ എന്നിവർക്കും നോട്ടീസ്​ നൽകി​.

ഏപ്രിൽ 12നകം മറുപടി നൽകാനും അതുവരെ വിചാരണ കോടതി നടപടികൾ​ സ്​റ്റേ ചെയ്യാനുമാണ്​ ഉത്തരവ്​. നാഷനൽ ഹെറാൾഡ്​ പത്രത്തി​‍െൻറ കൈമാറ്റത്തിൽ വഞ്ചനയും സാമ്പത്തിക തട്ടിപ്പും ആരോപിച്ചാണ്​ സുബ്രമണ്യൻസ്വാമി ഹരജി നൽകിയത്​. കേസിൽ സുപ്രീംകോടതി രജിസ്​ട്രി ഓഫീസർ, ആദായ നികുതി ഡെപ്യൂട്ടി കമീഷണർ തുടങ്ങിയ സാക്ഷികളെ വിളിച്ചുവരുത്തി തെളിവെടുക്കണമെന്ന്​ ഇദ്ദേഹം കോടതിയോട്​ അഭ്യർഥിച്ചിരുന്നു. എന്നാൽ, വിചാരണ കോടതി ഇത്​ അനുവദിച്ചില്ല.

സ്വാമിയുടെ വിസ്​താരത്തിന്​ ശേഷമേ ഇത്​ അനുവദിക്കൂവെന്ന്​ വിചാരണ കോടതി അറിയിച്ചിരുന്നു. ഇതിനെതിരെയാണ്​ അദ്ദേഹം ഹൈകോടതിയെ സമീപിച്ചത്​.