ഡൽഹിയിൽ പ്ലൈവുഡ്​ ഫാക്​ടറിയിൽ വൻ തീപിടിത്തം

ന്യൂഡൽഹി: പശ്​ചിമ ഡൽഹിയിലെ മുന്ദക മേഖലയിലെ പ്ലൈവുഡ്​ ഫാക്​ടറിയിൽ വൻ തീപിടിത്തം. ശനിയാഴ്​ച രാവിലെയാണ്​ തീപിടിത്തമുണ്ടായത്​. തീയണക്കാനായി 20 ഫയർഫോഴ്​സ്​ യൂണിറ്റുകൾ സ്ഥലത്തെത്തിയിട്ടുണ്ട്​. ഇതുവരെ ആളപായം റിപ്പോർട്ട്​ ചെയ്​തിട്ടില്ല.

പ്ലൈവുഡ്​ ഫാക്​ടറിയിൽ നിന്ന്​ തീ അടുത്തുള്ള ബൾബ്​ ഫാക്​ടറിയിലേക്ക് തീ​ പടർന്നതോടെയാണ്​ പ്രശ്​നം അതീവഗുരതരമായത്​. കഴിഞ്ഞയാഴ്​ചയും ഡൽഹിയിൽ വൻ തീപിടിത്തമുണ്ടായിരുന്നു. അനാജ്​ മണ്ടിയിലെ ആസാദ്​ മാർക്കറ്റിലായിരുന്നു തീപിടിത്തം. ഏകദേശം 43 പേർ മരിക്കുകയും നിരവധി പേർക്ക്​ പരിക്കേൽക്കുകയും ചെയ്​തിരുന്നു. തുടർന്ന്​ കെട്ടിട ഉടമക്കെതിരെ മനപൂർവ്വമല്ലാത്ത നരഹത്യക്ക്​ കേസെടുത്തിരുന്നു.