21കാരന് യൂബറി​െൻറ വാർഷിക ശമ്പളം ഒന്നേകാൽ കോടി

ന്യൂഡൽഹി: 21കാരന് യൂബറി​​െൻറ വക ഒന്നേകാൽ കോടി ശമ്പളത്തി​​െൻറ ജോലി വാഗ്​ദാനം. ഡൽഹി ടെക്​നോളജിക്കൽ യൂനിവേഴ്​സിറ്റി (ഡി.ടി.യു) അവസാന വർഷ വിദ്യാർഥിയും ഡൽഹി പബ്ലിക്​ സകൂൾ പൂർവ വിദ്യാർഥിയുമായ സിദ്ധാർഥനാണ് അമേരിക്ക ആസ്​ഥാനമായി പ്രവർത്തിക്കുന്ന ഒാൺ ലൈൻ ടാക്​സി കമ്പനിയായ യൂബർ വമ്പൻ ശമ്പളം വാഗ്​ദാനം ചെയ്​തിരിക്കുന്നത്​. 

കമ്പ്യൂട്ടർ സയൻസ്​ വിദ്യാർഥിയായ സിദ്ധാർഥിനെ സാൻ ഫ്രാൻസിസ്​കോയിലെ സോഫ്​റ്റ്​വെയർ എഞ്ചിനീയർ തസ്കയിലേക്കാണ് യൂബർ വിളിച്ചിരിക്കുന്നത്​. അടിസ്​ഥാന ശമ്പളവും ബാക്കി ആനുകൂല്യവും ഉൾപ്പെടെയാണ്​ ഇത്രയും തുക. കഴിഞ്ഞ വർഷവും ഡി.ടി.യു യൂണിവേഴ്സിറ്റി വിദ്യാർഥിയായ ഛേതൻ കക്കറിന്​ഗൂഗിളിൽ നിന്ന്​1.27 കോടിയുടെ ജോലി വാഗ്​ദാനം ലഭിച്ചിരുന്നു.

റിക്രൂട്ട്​ പ്രക്രിയ കഠിനമേറിയതായിരുന്നു. ​ജോലി വാഗ്​ദാനം ലഭിച്ചതിൽ സന്തോഷമുണ്ടെന്നും സാൻ ഫ്രാൻസിസ്​കോയിലേക്ക് ​പോകാൻ കാത്തിരിക്കുകയാണെന്നും സിദ്ധാർഥ്​ പറഞ്ഞു. വിദ്യാർഥിയുടെ പിതാവ്​ കൺസൾട്ടൻറായും മാതാവ്​ പ്രസംഗം പകർത്തിയെഴുതുന്ന മേഖലയിലെ ഫ്രീ ലാൻസറായിട്ടുമാണ് ​പ്രവർത്തിക്കുന്നത്​.