Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightവിദ്വേഷ പ്രസംഗങ്ങൾ...

വിദ്വേഷ പ്രസംഗങ്ങൾ തിരിച്ചടിയായെന്ന് ഡൽഹി ബി.ജെ.പി അധ്യക്ഷൻ

text_fields
bookmark_border
വിദ്വേഷ പ്രസംഗങ്ങൾ തിരിച്ചടിയായെന്ന് ഡൽഹി ബി.ജെ.പി അധ്യക്ഷൻ
cancel

ന്യൂഡൽഹി: പാർട്ടി നേതാക്കളുടെ വിദ്വേഷ പ്രസംഗങ്ങൾ സീറ്റ്​ നഷ്​ടപ്പെടുത്തിയെന്ന്​ ഡൽഹി ബി.ജെ.പി അധ്യക്ഷൻ മനോ ജ്​ തിവാരി. ഇന്ത്യൻ എക്​സ്​പ്രസിന്​ നൽകിയ അഭിമുഖത്തിലാണ്​ മനോജ്​ തിവാരി ത​​​​െൻറ അഭിപ്രായം തുറന്നടിച്ചത്​. ഫെബ്രുവരി 11ന്​ പുറത്ത്​വന്ന ഡൽഹി നിയമസഭയിലെ ഫലപ്രഖ്യാപനം ബി​.ജെ.പി കേന്ദ്രങ്ങളെ ഏറെ നിരാശരാക്കിയതിന്​ പിന്നാ ലെയാണ്​ മനോജ്​ തിവാരിയുടെ തുറന്നുപറച്ചിൽ.

അരവിന്ദ്​ കെജ്​രിവാളിനെ തീവ്രവാദിയെന്ന്​ വിളിച്ച ബി.ജെ.പി എം.പി പർവേശ്​ വെർമയുടെ പ്രസംഗത്തെ മനോജ്​ തിവാരി തള്ളിപ്പറഞ്ഞു. ‘‘ആ പ്രസംഗത്തെ ഞാൻ ആദ്യമേ അപലപിച്ചിരുന്നു. കൂടാതെ പ്രധാനമന്ത്രിയും ആഭ്യന്തര മന്ത്രിയും പ്രസ്​താവനയെ അപലപിച്ചിരുന്നു’’.

പൗരത്വ ഭേദഗതി നിയമത്തിനെതിരെ സമരം ചെയ്യുന്നവരെ വെടിവെച്ചുകൊല്ലാൻ ആഹ്വാനം ചെയ്​ത ബി.ജെ.പി നേതാവ്​ കപിൽ മിശ്രയുടെ കുപ്രസിദ്ധമായ ‘ഗോലി മാരോ സാലോം കോ’ പ്രയോഗത്തെക്കുറിച്ചുള്ള തിവാരിയുടെ മറുപടി ഇങ്ങനെ: ‘‘അദ്ദേഹം അത്​ പറഞ്ഞ സമയത്ത്​ എ​​​െൻറ ശ്രദ്ധയിലേക്ക്​ എത്തിയിരുന്നില്ല. വിദ്വേഷ പ്രസംഗങ്ങൾ നടത്തുന്നവരെ എ​ന്നെന്നേക്കുമായി പുറത്തുനിർത്തണമെന്നാണ്​ എ​​​െൻറ അഭിപ്രായം’. വിദ്വേഷ പ്രസംഗങ്ങൾ നടത്തുന്നവരെ തെരഞ്ഞെടുപ്പിൽ മത്സരിക്കുന്നത്​ തടയുന്ന സംവിധാനം നടപ്പാക്കണമെന്നും അദ്ദേഹം കൂട്ടിച്ചേർത്തു.

ഡൽഹി തെരഞ്ഞെടുപ്പ്​ പ്രചാരണത്തിനിടെ ബി.ജെ.പി​ നേതാക്കൾ വ്യാപകമായി വിദ്വേഷ പ്രചാരണം നടത്തിയിരുന്നു. ഇതേതുടർന്ന്​ കേന്ദ്രമന്ത്രി അനുരാഗ്​ താക്കൂർ, പർവേശ്​ വെർമ എന്നിവരെ പ്രചരണത്തിൽ നിന്നും തെരഞ്ഞെടുപ്പ്​ കമീഷൻ വിലക്കിയിരുന്നു.

Show Full Article
TAGS:delhi election bjp aap manoj thiwari hate speach india news 
Next Story