Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഉമർ ഖാലിദി​െൻറയും...

ഉമർ ഖാലിദി​െൻറയും ഷർജീൽ ഇമാമി​െൻറയും ജുഡീഷ്യൽ കസ്​റ്റഡി നീട്ടി കോടതി

text_fields
bookmark_border
ഉമർ ഖാലിദി​െൻറയും ഷർജീൽ ഇമാമി​െൻറയും ജുഡീഷ്യൽ കസ്​റ്റഡി നീട്ടി കോടതി
cancel

ഡൽഹി: വിദ്യാർഥി നേതാവും ആക്​ടിവിസ്റ്റുമായ ഉമർ ഖാലിദ്, ജെഎൻയു പിഎച്ച്ഡി വിദ്യാർഥി ഷാർജീൽ ഇമാം എന്നിവരുടെ ജുഡീഷ്യൽ കസ്​റ്റഡി 2020 നവംബർ 20 വരെ നീട്ടി കോടതി.ഫെബ്രുവരിയിൽ നടന്ന സി.എ.എ പ്രക്ഷോഭവുമായി ബന്ധപ്പെട്ട് ആഗസ്​റ്റിൽ ദില്ലി പോലീസ് ഷർജീൽ ഇമാമിനെ അറസ്റ്റ് ചെയ്യുകയായിരുന്നു. യു‌എ‌പി‌എ വകുപ്പുകൾ പ്രകാരമാണ് ഇദ്ദേഹത്തിനെതിരെ കേസെടുത്തത്. ദില്ലിയിൽ നടന്ന വർഗീയ കലാപത്തിൽ ഗൂഢാലോചന ആരോപിച്ച് സെപ്റ്റംബർ 13 ന് രാത്രിയാണ്​ ഉമർ ഖാലിദിനെ ദില്ലി പോലീസ് അറസ്റ്റ് ചെയ്​തത്​.

രാജ്യദ്രോഹക്കുറ്റവും മറ്റ്​ 18 വകുപ്പുകളും ഉമറിനെതിരേ ചുമത്തിയിട്ടുണ്ട്​. ഇവരുടെ കസ്റ്റഡി 30 ദിവസത്തേക്ക് നീട്ടാൻ ദില്ലി പോലീസ് ആവശ്യപ്പെട്ടിരുന്നു. കഴിഞ്ഞ ദിവസം നടന്ന വാദത്തിനിടെ ജുഡീഷ്യൽ കസ്​റ്റഡിക്കിടെയുണ്ടായ ദുരനുഭവം ഉമർ ഖാലിദ് വിവരിച്ചിരുന്നു​. സെല്ലിൽ നിന്ന്​ പുറത്തിറങ്ങാൻ തന്നെ അനുവദിച്ചില്ലെന്നും ഇത്രയും കാലം ഏകാന്ത തടവിന്​ സമാനമായ അവസ്ഥയിലായിരുന്നുവെന്നും അദ്ദേഹം പറഞ്ഞു. സുരക്ഷയുടെ ഭാഗമായല്ല നിയന്ത്രണങ്ങൾ ഏർപ്പെടുത്തിയത്​. എന്നെ ശിക്ഷിക്കുകയായിരുന്നു അവരുടെ ഉദ്ദേശം.

അഡീഷണൽ ജയിൽ സുപ്രണ്ടി​െൻറ ഉത്തരവുകൾ അനുസരിക്കുക മാത്രമാണ്​ മറ്റുള്ളവർ ചെയ്​തത്​. കഴിഞ്ഞ കുറേ ദിവങ്ങളായി മാനസികമായും ശാരീരികമായുമുള്ള പ്രശ്​നങ്ങളുണ്ടായിരുന്നു. ഇതിനിടയിലും ഏകാന്ത തടവിന്​ സമാനമായ സ്ഥിതിയിൽ കഴിയുകയായിരുന്നുവെന്ന്​ ഉമർ ഖാലിദ്​ പറഞ്ഞു. തുടർന്ന്​ കോടതി ജയിലധികൃതരോട്​ ഉമറിന് ആവശ്യമായ സ്വാതന്ത്ര്യങ്ങൾ അനുവദിക്കണമെന്ന് ആവശ്യപ്പെടുന്നു. നിയമാനുസൃതം ഇരുവരെയും സെല്ലുകളില്‍ നിന്ന് പുറത്തിറങ്ങാന്‍ അനുവദിക്കണമെന്നും കോടതി നിർദേശിച്ചു.

Show Full Article
TAGS:umar khalid Sharjeel Imam judicial custody Delhi HC 
Next Story