Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമക്കയും റോമും പോലും...

മക്കയും റോമും പോലും അടച്ചു; മർക്കസ്​ നിസാമുദ്ദീൻ പള്ളിയുടേത്​ നിരുത്തരവാദിത്ത നടപടി -കെജ്​രിവാൾ

text_fields
bookmark_border
മക്കയും റോമും പോലും അടച്ചു; മർക്കസ്​ നിസാമുദ്ദീൻ പള്ളിയുടേത്​ നിരുത്തരവാദിത്ത നടപടി -കെജ്​രിവാൾ
cancel

ന്യൂഡൽഹി: നിസാമുദ്ദീനിലെ തബ്​ലീഗ്​ സമ്മേളനത്തിൽ പ​ങ്കെടുത്ത നിരവധി പേർക്ക്​ കോവിഡ്​ ബാധിച്ച സംഭവത്തിൽ പള് ളി അധികൃതർ​ക്കെതിരെ രൂക്ഷ വിമർശനവുമായി ഡൽഹി മുഖ്യമന്ത്രി അരവിന്ദ്​ കെജ്​രിവാൾ. സമ്മേളനത്തിൽ പ​ങ്കെടുത്ത ഏഴു പേരാണ്​ കോവിഡ്​ ലക്ഷണങ്ങ​​ളെ തുടർന്ന്​ ചികിത്സയിലിരിക്കെ മരിച്ചത്​. 24 പേർക്ക്​ കോവിഡ്​ സ്ഥിരീകരിച്ചു. മർക്കസ്​ നിസാമുദ്ദീൻ അധികാരികൾ നിരുത്തവാദിത്തപരമാണ്​ ​പ്രവർത്തിച്ചതെന്നും കെജ്​രിവാൾ വാർത്താസമ്മേളനത്തിൽ ആരോപിച്ചു.

ലോകത്താകമാനം ​ ജനങ്ങൾ മരിച്ചുകൊണ്ടിരിക്കുകയാണ്​. മക്കയും റോമും വരെ ഒഴിച്ചിട്ടിരിക്കു​മ്പോഴാണ്​ ഇത്തരം ഗുരുതരമായ നിയമലംഘനം നടത്തിയിരിക്കുന്നത്​ -കെജ്​രിവാൾ പറഞ്ഞു. പള്ളി അധികാരികൾക്കെതിരെ കേസ്​ രജിസ്​റ്റർ ചെയ്​തിട്ടുണ്ട്​.

മാർച്ച്​ എട്ട്​ മുതൽ 10 വരെ നടന്ന സമ്മേളനത്തിൽ 2000 ലധികം പേരാണ്​ പ​ങ്കെടുത്തത്​. ഇതിൽ പ​ങ്കെടുത്ത 400 ലധികം പേരെ കോവിഡ്​19 രോഗലക്ഷണങ്ങളോടെ ആശുപത്രിയിൽ പ്രവേശിപ്പിച്ചിട്ടുണ്ട്​.

രാജ്യത്തി​ന്റെ പലഭാഗങ്ങളിൽ നിന്നുള്ളവരാണ്​ സമ്മേളനത്തിലെത്തിയത്​. ‘‘എത്ര പേർക്ക്​ അസുഖം പടർന്നിട്ടുണ്ടെന്ന്​ ഊഹിക്കാൻ കഴിയുന്നില്ല. അത്​ ഭയപ്പെടുത്തുന്നു. എല്ലാ മതനേതാക്കളോടും അഭ്യർഥിക്കാനുള്ളത്​ ഇതാണ്​ -നിങ്ങളു​ടെ മതം എന്തുതന്നെയായാലും ജീവൻ അതിനേക്കാൾ വിലപ്പെട്ടതാണ്​ എന്ന്​ മനസിലാക്കണം.’’ - കെജ്രിവാൾ പറഞ്ഞു.

1, 548 പേരെ പള്ളിയിൽ നിന്ന് ​ഒ​ഴിപ്പിച്ചു. 1,100 പേരെ നഗരത്തിൻെറ വിവിധ ഭാഗങ്ങളിലായി ക്വാറൻറീൻ ചെയ്​തിട്ടുണ്ട്​. സമ്മേളനത്തിൽ പങ്കെടുത്ത വിവിധ സംസ്ഥാനങ്ങളിൽ നിന്നുള്ള ആളുകളെ കണ്ടെത്തുന്നതിന് ശ്രമം നടക്കുന്നുണ്ടെന്നും ​ കെജ്​രിവാൾ അറിയിച്ചു.

തബ്​ലീഗ്​ സമ്മേളനത്തിൽ മലയാളികളും പങ്കെടുത്തിട്ടുണ്ട്. കഴിഞ്ഞദിവസം പത്തനംതിട്ടയിൽ മരിച്ചയാളും ഇതിൽ പ​ങ്കെടുത്തിരുന്നു. പക്ഷെ, ഇദ്ദേഹത്തിന്​ കോവിഡ്​ സ്​ഥിരീകരിച്ചിട്ടില്ല.

1,500ഒാളം പേരാണ്​ തമിഴ്​നാട്ടിൽനിന്ന്​ പങ്കെടുത്തത്​. സമ്മേളനത്തിൽ പ​ങ്കെടുത്ത 65കാരനായ മധുര സ്വദേശി കോവിഡ്​ ബാധിച്ച്​ മരണമടഞ്ഞിരുന്നു. തമിഴ്​നാട്ടിലെ ആദ്യ കോവിഡ്​ മരണമാണിത്​. സംസ്​ഥാനത്ത്​ കോവിഡ്​ സ്​ഥിരീകരിച്ച 30ഒാളം പേർ ഡൽഹിയിൽനിന്ന്​ മടങ്ങിയവരാണ്​. മതസമ്മേളനത്തിൽ പ​ങ്കെടുത്ത്​ തിരിച്ചെത്തിയ റെയിൽവേ ജീവനക്കാരനെ പരിശോധിച്ച ​മലയാളി റെയിൽവേ വനിത ഡോക്​ടർക്കും അവരുടെ പത്ത്​ മാസം പ്രായമായ കുഞ്ഞിനും ഉൾപ്പെടെ കുടുംബത്തിലെ നാലുപേർക്ക്​ കോവിഡ്​-19 ബാധ സ്​ഥിരീകരിച്ചിട്ടുണ്ട്​. കഴിഞ്ഞദിവസം ആറുപേരാണ്​ തെലങ്കാനയിൽ മരിച്ചത്​. നിസാമുദ്ദീൻ പരിസരം ഇ​പ്പോൾ പൊലീസി​​​ന്റെ നിയന്ത്രണത്തിലാണ്​.

Show Full Article
TAGS:covid19 Delhi CM vatican mecca religious gatherings india news 
News Summary - Delhi CM spotlights empty Vatican, Mecca to urge against religious gatherings - India news
Next Story