Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഗതാഗതവും മാളും...

ഗതാഗതവും മാളും ഭാഗികമായി തുറക്കണമെന്ന്​ ഡൽഹി​ നിവാസികൾ

text_fields
bookmark_border
ഗതാഗതവും മാളും ഭാഗികമായി തുറക്കണമെന്ന്​ ഡൽഹി​ നിവാസികൾ
cancel

ന്യൂഡൽഹി: പൊതുഗതാഗതവും മാളുകളും ഭാഗികമായി തുറക്കണമെന്നാണ്​ ഡൽഹിയിലെ ജനങ്ങളുടെ അഭിപ്രായമെന്ന്​ മുഖ്യമന്ത്രി അരവിന്ദ്​ ​ കെജ്​രിവാൾ. മൂന്നാംഘട്ട ലോക്​ഡൗൺ അവസാനിപ്പിക്കുന്നതിനോടനുബന്ധിച്ച്​ കഴിഞ്ഞ ദിവസം സംസ്​ഥാന സർക്കാർ ജനങ്ങളിൽനിന്ന്​ നിർദേശം തേടിയിരുന്നു. ലഭിച്ച അഞ്ച് ലക്ഷത്തിലധികം പ്രതികരണങ്ങളിൽ ഭൂരിഭാഗവും ഇക്കാര്യമാണുന്നയി​ച്ച​തെന്ന്​ മുഖ്യമന്ത്രി പറഞ്ഞു.

വാട്‌സ്ആപ്പ്, ഇ-മെയിൽ, ശബ്​ദ സന്ദേശം തുടങ്ങിയവ വഴിയാണ്​ ജനം പ്രതികരിച്ചത്​. പ്രതികരണം കേന്ദ്ര സർക്കാറിന്​ സമർപ്പിക്കുന്നതിന്​ മുമ്പ് ഈ നിർദ്ദേശങ്ങൾ ഞങ്ങൾ ചർച്ച ചെയ്യും സംസ്ഥാന ഡി.ഡി.എം.എയുടെ യോഗത്തിൽ ലെഫ്റ്റനൻറ്​ ഗവർണറെ കാണും -അദ്ദേഹം പറഞ്ഞു. 

വേനലവധി കഴിയുന്നത്​ വരെ സ്കൂളുകൾ, കോളജുകൾ, വിദ്യാഭ്യാസ സ്ഥാപനങ്ങൾ എന്നിവ അടച്ചിടണമെന്ന് ഭൂരിഭാഗം ആളുകളും അഭിപ്രായപ്പെട്ടതായി കെജ്​രിവാൾ പറഞ്ഞു. ബാർബർ ഷോപ്പുകൾ, സ്പാ, നീന്തൽക്കുളങ്ങൾ എന്നിവ അടച്ചിടണമെന്നും ജനം അഭിപ്രായപ്പെട്ടു. വൈകീട്ട്​ ഏഴിനുശേഷം പുറത്തിറങ്ങുന്നതിന്​​ നിയന്ത്രണം ഏർപ്പെടുത്തുന്നതിനെതിരെ വിമർശനം ഉയർന്നിട്ടുണ്ട്​. ഓട്ടോകൾ, ബസുകൾ, മെട്രോ എന്നിവ പരിമിതമായ അളവിൽ ലഭ്യമാക്കണമെന്നാണ്​ കൂടുതൽ പേരും ആവശ്യപ്പെട്ടത്​ -അദ്ദേഹം പറഞ്ഞു.

കടകൾ തുറക്കുന്നതിന്​ ഒറ്റ, ഇരട്ട സംവിധാനം നടപ്പാക്കണമെന്ന്​ മാർക്കറ്റ് അസോസിയേഷനുകൾ നിർദ്ദേശിച്ചതായും കെജ്​രിവാൾ അറിയിച്ചു. മാളുകളിലെ മൂന്നിലൊന്ന്​ കടകൾ തുറക്കാൻ അനുവദിക്കണമെന്നും ആവശ്യമുയർന്നിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kejriwalpublic transportlockdown
News Summary - Delhi citizens want public transport, malls to open partially
Next Story